ينتەرنەت قولدانۋشىسى اتىراۋ وبلىسىنان «قاندى كول» تاپتى

استانا. قازاقپارات - ەرجان ەسىمدى ينتەرنەت قولدانۋشىسى Google Maps سەرۆيسى ارقىلى اتىراۋ وبلىسىنىڭ اۋماعىنان «قىزىل ءتۇستى بەلگىسىز قاندى كول» تاپتى.

بۇل تۋرالى ول Tengrinews.kz رەداكسياسىنا حابارلادى.

كارتادان كولدىڭ قۇلسارى قالاسىنان وڭتۇستىككە قاراي 60 شاقىرىم قاشىقتىقتا ورنالاسقانىن بايقاۋعا بولادى. نىساننىڭ كوورديناتى: 46°27'49"N 53°51'14"E. Wikimapia.org سايتىنداعى سىلتەمەسى.

Google Maps (Google كارتاسى) - Google كومپانياسىنىڭ 2005 - جىلى شىعارعان قوسىمشاسى. سەرۆيس كارتا مەن جەر عالامشارىنىڭ عارىشتان تۇسىرىلگەن سۋرەتتەرىن ۇسىنادى. كوپتەگەن تۇرعىندار جوعارى ساپالى اەروفوتوسۋرەتتەردى كورۋگە مۇمكىندىك العان.