14:18, 20 - ماۋسىم 2015 | GMT +6
التاي تاۋىنداعى بەرەل قورعاندارى تاعى دا زەرتتەلمەك
استانا. قازاقپارات - قاتونقاراعاي اۋدانىنداعى بەرەل قورعاندارىن زەرتتەۋگە باعىتتالعان ارحەولوگيالىق ەكسپەديتسيا جۇمىسىن باستادى.
ەكسپەديتسياعا بەلگىلى ارحەولوگ عالىم، تاريح عىلىمدارىنىڭ دوكتورى زەينوللا ساماشيەۆ سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ تاريح، حالىقارالىق قاتىناستار جانە قۇقىق فاكۋلتەتى دەكانىنىڭ ورىنباسارى، قازاقستان تاريحى كافەدراسىنىڭ اعا وقىتۋشىسى قۇرالاي جيرەندينوۆانىڭ جەتەكشىلىك ەتەدى.
بۇل تۋرالى www.altaynews. kz سايتى حابارلاپ وتىر.
ەكسپەديتسيا قۇرامىندا عالىمدارمەن قاتار، تاريحشى ماماندىعىن يگەرىپ جاتقان ستۋدەنتتەر بار. ولار بەرەل قورعانىنداعى سوڭعى قورىمدى زەرتتەمەك. پروفەسسور البينا جانبوسىنوۆا ەكسپەديتسيا جۇمىسى ناتيجەلى بولىپ، بۇل جولى دا ءتول تاريحىمىزعا قاتىستى قۇندى جادىگەرلەر تابىلاتىنىنا سەنىمدى. تاعى ءبىر جاڭالىق، وسى جازدا التاي تانۋ عىلىمي- زەرتتەۋ ورتالىعى جانىنان «جاس ارحەولوگتار مەكتەبى» اشىلماق.
