قازاقستان رەسەي ەكونوميكاسىنا بەلسەندى ينۆەستيتسيا سالۋشى ءۇش ەلدىڭ قاتارىندا
تاتارستان ب ا ق- تارىنىڭ حابارلاۋىنشا، ول بۇل تۋرالى قازان قالاسىندا وتكەن رەسەي جانە يسلام ىنتىماقتاستىق ۇيىمى ەلدەرىنىڭ Kazan Summit-2015 حالىقارالىق ەكونوميكالىق سامميتىندە ايتقان.
«رەسەي ەكونوميكاسىنا بەلسەندى ينۆەستيتسيا سالىپ وتىرعان ءۇش ەلدىڭ قاتارىندا تۇركيا، قازاقستان جانە ازەربايجان بار. باسقا ەلدەردەن ءتۇسىپ جاتقان قارجىلىق اعىمدار سونشالىقتى كوپ ەمەس، ءبىراق ولار جىلدان-جىلعا ۇلعايۋدا»، - دەپ اتاپ ءوتتى لينار ياكۋپوۆ.
ونىڭ ايتۋىنشا، بولاشاقتا رەسەي مەن ي ى ۇ اراسىنداعى نەگىزگى ساۋدا سالالارىنا ەنەرگيا، مەتالل، حيميا، اۋىل شارۋاشىلىعى ونىمدەرى جانە ازىق-تۇلىك ونىمدەرى باعىتتارى جاتادى. سونداي-اق تۋريستىك سالادا زور مۇمكىندىكتەر اشىپ تۇر.
شارادا ءسوز سويلەگەن تاتارستان رەسپۋبليكاسىنىڭ پرەزيدەنتى رۋستام ميننيحانوۆ Kazan Summit ءسامميتى رەسەي ءۇشىن يسلام الەمىنىڭ ەلدەرىمەن جۇمىس جاساۋدىڭ نەگىزگى الاڭى بولاتىنىن اتاپ ءوتتى.
سامميتكە 46 ەلدەن 700 دەن استام ادام قاتىستى. ونىڭ قادىرلى قوناعى يسلام دامۋ بانكىنىڭ پرەزيدەنتى احمەد مۇحاممەد الي ءال ماداني بولدى.
