مەملەكەتتىك قىزمەتشىلەرگە جالاقى تولەۋدىڭ جاڭا جۇيەسى ەنۋى مۇمكىن
بۇل تۋرالى بۇگىن «قازاقستان-2050» دەموكراتيالىق جالپى ۇلتتىق كۇشتەر كواليتسياسىنىڭ وتىرىسىندا ءمالىم بولدى.
ەسكە سالايىق، وتىرىستا «100 ناقتى قادام» ۇلت جوسپارىن جۇزەگە اسىرۋ ماسەلەلەرى تالقىلانعان بولاتىن.
ق ر ۇلتتىق ەكونوميكا مينيستر، كواليتسيا مۇشەسى ەربولات دوسايەۆتىڭ ايتۋىنشا، بەس رەفورمانىڭ ءبىرىنشى باعىتى - زاماناۋي، دەربەس، كاسىبي مەملەكەتتىك اپپاراتتى قۇرۋعا باعىتتالىپ، ول ەكونوميكالىق باعدارلامالاردىڭ ساپالى ورىندالۋىن، ساپالى مەملەكەتتىك قىزمەتتەر كورسەتۋدى قامتاماسىز ەتۋى ءتيىس.
«بۇل باعىتتا جاڭا جالاقى جۇيەسىن ەنگىزۋ كوزدەلەدى. 2016 - جىلدىڭ قاڭتارىنان باستاپ ەنگىزىلۋى مۇمكىن جالاقى تولەۋدىڭ جاڭا جۇيەسى جۇمىستار ناتيجەسىنە قاراي نەگىزدەلەدى. بۇدان بولەك، مەملەكەتتىك قىزمەتشىلەردى جۇيەلى تۇردە وقىتىپ، بىلىكتىلىگىن ارتتىرۋ زاڭ جۇزىندە بەكىتىلەدى. قۇقىق قورعاۋ ورگاندارىن قوسا العاندا مەملەكەتتىك قىزمەتكە كانديداتتاردى ىرىكتەۋ ورتالىقتاندىرىلادى، بۇل رەتتە مەملەكەتتىك قىزمەت ىستەرى اگەنتتىگىنىڭ ءرولىن كۇشەيتۋ جوسپاردا بار»، - دەدى ە. دوسايەۆ.
ءمينيستردىڭ ايتۋىنا قاراعاندا، الداعى ۋاقىتتا مەملەكەتتىك قىزمەتشىلەردىڭ بارلىق دەڭگەيىن، سونىڭ ىشىندە قۇقىق قورعاۋ ورگاندارىن دا قامتيتىن «مەملەكەتتىك قىزمەت تۋرالى» جاڭا زاڭ قابىلداۋ جوسپارلانعان.
«جالپى وسى باعىتتاعى جۇمىستىڭ نەگىزگى وزەگى رەتىندە ءبىز «سينگاپۋر ۇلگىسىن» الىپ وتىرمىز. مەملەكەت باسشىسى كوتەرگەن بارلىق بازالىق ماسەلەلەر، سونىڭ ىشىندە مەملەكەتتىك قىزمەتشىنىڭ جالاقىسىن كوتەرۋ، مەملەكەتتىك قىزمەت مارتەبەسىن ارتتىرۋ - بۇل باسىم باعىتتار بولىپ تابىلادى»، - دەدى مينيستر ە. دوسايەۆ.
سونىمەن قاتار، ول مەملەكەتتىك قىزمەت سالاسىنداعى وزگەرىستەردىڭ تۇبەگەيلى، راديكالدى سيپاتتا ءوربيتىنىن اتاپ ءوتتى. «بۇل جاي عانا سىلاپ- سيپاپ، بەر جاعىنان جاسالاتىن وزگەرىستەر ەمەس، كوسمەتيكالىق ايتپەسە دۋالدىڭ بوياۋى سەكىلدى جۇمىس تا ەمەس. ءبىز مۇلدەم جاڭا كريتەريلەردى بۇتكىل مەملەكەتتىك قىزمەت سالاسىنا توپتاستىرامىز. «ا» كورپۋسىن قالىپتاستىرۋ - ءبىرىنشى قادام عانا، ەندىگى كەزەكتە سونىڭ اياسىندا الەمدىك وزىق تاجىريبەلەردى ترانسفورماتسيالاي وتىرىپ، ءبىز العا قويعان مىنەتتەردى اتقاراتىن بولامىز»، دەدى ە. دوسايەۆ.
اۆتور: قانات مامەتقازى ۇلى
