الداعى ءۇش جىلدىڭ بيۋدجەتى ەكونوميكالىق احۋالدىڭ وزگەرۋىنە بايلانىستى كۇردەلى بولادى - ك. ءماسىموۆ
بۇل تۋرالى بۇگىن ق ر پارلامەنتى پالاتالارىنىڭ بىرلەسكەن وتىرىسىندا ق ر پرەمەر- ءمينيسترى كارىم ءماسىموۆ ايتتى.
«ءبىز قازىرگى ۋاقىتتا الداعى ءۇش جىلدىڭ بيۋدجەتىن ازىرلەۋدەمىز. بۇل بيۋدجەت جاي ەمەس، ول ەكونوميكاداعى احۋالدىڭ وزگەرىسكە ۇشىراۋىنا بايلانىستى بۇعان دەيىنگى بيۋدجەتتەن وزگەشە بولادى. بۇعان قوسا مەن اتاپ وتكەنىمدەي، قازىرگى ۋاقىتتا كوميسسيا جۇمىس ىستەۋدە. تاياۋ بىرنەشە اپتا ىشىندە ءبىز مەملەكەت باسشىسى قاراۋىنا «100 ناقتى قادام» اياسىندا بولجانىپ وتىرعان وزگەرىستەر تۋرالى بايانداما بەرەمىز جانە قىركۇيەكتە ءبىز سىزدەرگە زاڭنامالىق وزگەرتۋلەر توپتاماسىمەن كەلەمىز. ءبىز سىزدەردەن ونى 2015 -جىلدىڭ سوڭىنا دەيىن قابىلداۋدى وتىنەتىن بولامىز»، - دەدى ۇكىمەت باسشىسى.
وسى رەتتە ك. ءماسىموۆ دەپۋتاتتاردان كوميسسياعا ءوز ۇسىنىستارىن بەرۋگە كەڭەس بەردى. سونىمەن قاتار ول 2014 -جىلعى بيۋدجەتتىڭ اتقارىلۋى تۋرالى ۇكىمەتتىڭ جانە رەسپۋبليكالىق بيۋدجەتتىڭ اتقارىلۋى تۋرالى ەسەپ كوميتەتىنىڭ ەسەپتەرىن بەكىتۋدى تالقىلاۋ بارىسىندا دەپۋتاتتار تارابىنان جاسالعان ەسكەرتۋلەر مەن ۇسىنىستاردىڭ ۇكىمەت وتىرىسىندا قارالاتىندىعىن اتاپ ءوتتى.
اۆتور: مارلان جيەمباي
