عالىمدار قارىن تويدىراتىن، ءبىراق سەمىرتپەيتىن يوگۋرت ويلاپ تاپتى

استانا. قازاقپارات - يسپانيالىق عالىمدار جەگەن ادامنىڭ قارنىن تويدىراتىن، ءبىراق سەمىرتپەيتىن يوگۋرتتى ويلاپ تاۋىپتى.

جاڭا ءونىمنىڭ بويىندا اقۋىز كوپ، دەپ حابارلايدى www.24.kz.

عالىمدار توبى جاڭا يوگۋرت تۋرالى ەسەپتى بەدەلدى Food Research International عىلىمي باسىلىمىندا جاريالادى. ولاردىڭ مالىمدەۋىنشە، بۇل ءونىم تاماق ءىشۋ رەتتىلىگىن ساقتاپ، تابەتتىڭ اشىلۋىن تەجەيدى ەكەن.

سونداي-اق ونىڭ بويىنداعى اقۋىز بەن كراحمال مولشەرى ارتتىرىلعان. ال بۇل اعزانى قارىن اشقان كەزدە تويدىرعانىمەن، ونى سەمىرتپەيتىن قۇرامداس بولىكتەر بولىپ تابىلادى.