وڭتۇستىك افريكادا قازاقستاننىڭ قۇرمەتتى كونسۋلدىعى اشىلدى
ا و سامميتى قۇرلىقتىڭ بولاشاق دامۋىنا جانە ايەل ءرولىن نىعايتۋ ماسەلەلەرىنە ارنالدى. سامميت شەڭبەرىندە اۋماقتىق قاۋىپسىزدىك جانە كوشى- قون ساياساتىن نىعايتۋ ماسەلەلەرى تالقىلاندى.
سامميت بارىسىندا قازاقستاندىق دەلەگاتسيا جۇزدەن استام افريكالىق مەملەكەتتەر وكىلدەرىنىڭ قاتىسۋىمەن «افريكا - 2063 كۇن ءتارتىبىن قولداۋ ءۇشىن: ازىق- تۇلىك، ەنەرگەتيكالىق جانە سۋ قاۋىپسىزدىگى» اتتى ارنايى ءىس- شارا وتكىزدى. اتالمىش ءىس- شارا اياسىندا 2017-2018 -جىلدارى ب ۇ ۇ قاۋىپسىزدىك كەڭەسىنە قازاقستان ءوتىنىمىنىڭ جانە ماماندىرىلعان كورمەنىڭ تۇساۋكەسەرى ءوتتى.
گامبيا سىرتقى ىستەر ءمينيسترى نەنەح ماكدۋال گايە، ليبەريا س ءى م باسشىسى اۆگۋستين كپەحە نگافۋان جانە سومالي سىرتقى ىستەر ءمينيسترى ابديسالام حادلي ومار، ب ۇ ۇ افريكا بويىنشا ەكونوميكالىق كوميسسياسىنىڭ اتقارۋشى حاتشىسىنىڭ ورىنباسارى ابدۋللا حامدوك، ا و كوميسسياسى ءتوراعاسىنىڭ ورىنباسارى ەراستۋس مۆەنچا جانە باسقا دا ا و حاتشىلىعىنىڭ كوميسسارلارى بۇل ءىس- شارانىڭ قۇرمەتتى قوناقتارى جانە سپيكەرلەرى بولدى.
ءوز سوزىندە ا. مۋسينوۆ ب ۇ ۇ-نى رەفورمالاۋ بويىنشا ا و باستاماسىن قولداۋ جونىندەگى قازاقستان ۇستانىمىن، سونداي-اق، افريكانىڭ مىڭداعان ادامداردىڭ ءومىرىن الىپ كەتكەن ەبولا ەپيدەمياسىنا قارسى جانە افريكالىق قۇرلىققا قارجى جانە باسقا قاجەتتى كومەك بەرۋدى جالعاستىرۋعا دايىن ەكەندىگىن اتاپ ءوتتى. قاتىسۋشىلارعا افريكاداعى ازىق- تۇلىك جانە اشارشىلىق ماسەلەلەرىن شەشۋدە ەلىمىزدىڭ ماڭىزدى ۇلەسى بولىپ تابىلاتىن ازىق- تۇلىك قاۋىپسىزدىگى جونىندەگى يسلام ۇيىمى ارقىلى ازىق-تۇلىك كومەگىن كورسەتۋ تۋرالى قازاقستاندىق باستاما جونىندە اقپارات بەرىلدى.
سامميت اياسىندا قازاقستاندىق دەلەگاتسيانىڭ باسشىسى گۆينەيا پرەزيدەنتى الفا كوندەمەن، و ا ر، گامبيا، ليبەريا، سومالي، مالاۆي، تۋنيس، سەررا- لەونە، كامەرۋن جانە موزامبيك سىرتقى ىستەر مينيسترلەرىمەن كەزدەسۋلەر وتكىزدى. كەزدەسۋلەر بارىسىندا كوپجاقتى الاڭدا ءوزارا قولداۋ كورسەتۋ جانە ەكىجاقتى ىنتىماقتاستىقتى نىعايتۋ ماسەلەلەرى تالقىلاندى.
افريكا سىرتقى ىستەر مينيسترلىكتەرىنىڭ باسشىلارىنا ب ۇ ۇ ق ك-نە ق ر تۇراقسىز مۇشەلىگى جانە ەكسپو-2017 قاتىسۋ ماسەلەلەرى بويىنشا ق ر پرەزيدەنتى جانە ق ر پرەمەر-ءمينيسترى اتتارىنان حاتتار تابىستالدى.
سونداي-اق، و ا ر-عا ساپارى كەزەڭىندە قازاقستاندىق دەلەگاتسيانىڭ باسشىسى يوحاننەسبۋرگتە ق ر قۇرمەتتى كونسۋلدىعىن اشۋ راسىمىنە قاتىستى.
قۇرلىقتىڭ 54 مەملەكەتىن بىرىكتىرىپ، 1 ميلليارد استام حالىق سانىن قامتيتىن افريكالىق وداقتا قازاقستان 2014 -جىلى قاراشادان باستاپ باقىلاۋشى بولىپ تابىلادى.
