قازاقستاندا ۇلتتىق دونورلار كۇنىن اتاپ ءوتۋ ۇسىنىلدى
بۇل باستامانى «القالى كەڭەس» كورپوراتيۆتىك قورىنىڭ پرەزيدەنتى ەرمەك ياسىلوۆ كوتەرىپ وتىر.
«ءبىز قازىر رەسەيدەگىدەي دونور كۇنىن اتاپ ءوتۋدى جوسپارلاۋدامىز. ءبىز دە ءوز ەلىمىزدە وسىنداي مەرەكەنىڭ بولعانىن قالايمىز. ونىڭ حالىقارالىق قان دونورلارى كۇنىنە ەش قاتىسى جوق. بىزگە ۇلتتىق دونورلار كۇنى نە ءۇشىن قاجەت؟! بۇل مەرەكە وسى ماسەلەنى ادامدارعا تاعى دا بىر تەرەڭنەن تۇسىندىرۋگە باعىتتالعان بولار ەدى. مۇنداي اتاۋلى كۇندەر تەك تويلاۋ ءۇشىن عانا ەمەس، ادامدارعا قان تاپسىرۋدىڭ قانشالىقتى ماڭىزدى ەكەنىن ءتۇسىندىرۋ ءۇشىن قاجەت. ول ۇلكەن الەۋمەتتىك ماڭىزعا يە. ءاربىر ازاماتتىڭ الەۋمەتتىك بورىشى»، - دەدى ول بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ايتا كەتەيىك، حالىقارالىق قان دونورلارى كۇنى 14 -ماۋسىمدا تويلانادى. ال رەسەيدە ۇلتتىق دونورلار كۇنى 20 -ساۋىردە اتاپ وتىلەدى.
اۆتور: جاسۇلان جولدىبايەۆ
