كوكشەتاۋلىق ازامات بۇرىنعى ايەلىن ۇرلاپ اكەتىپ، ءبىر تاۋلىك كولىگىنە قامادى
باسپا ءسوز قىزمەتىنىڭ مالىمەتىنشە، كوكشەتاۋ قالالىق كەزەكشى بولىمىنە بوروۆوە اۋىلىنىڭ 27 جاستاعى تۇرعىنى شاعىمدانعان. ول ءوزىن 11 -ماۋسىم كۇنى ساعات 9.30 دا جۇمىسىنان كۇشتەپ شىعارىپ، كولىگىنە وتىرعىزىپ الىپ كەتكەن بۇرىنعى كۇيەۋىن جازالاۋدى سۇراپتى. ەر ادام ايەلدى ۇرلاپ اكەتىپ، كولىگىنىڭ ىشىندە زەرەندى تاس جولىنىڭ بويىندا كەلەسى كۇنى ساعات 10.00 گە دەيىن قاماپ ۇستاعان.
«كوكشەتاۋ قالالىق ءى ءى ب قىزمەتكەرلەرى ىزدەستىرۋ شاراسى بارىسىندا 26 جاستاعى ەر ادامدى ۇستادى. ول ءوز كىناسىن مويىنداپ، تۇسىنىك بەردى. ۇستالعان كۇدىكتىگە قاتىستى ق ر ق ك 126-بابى 1-بولىگى «باس بوستاندىعىنان زاڭسىز ايىرۋ» بويىنشا قىلمىستىق ءىس قوزعالدى»، - دەلىنگەن حابارلامادا.
ايتا كەتەيىك، بۇل باپ بويىنشا كۇدىكتىنىڭ باس بوستاندىعىنا 3 جىلعا دەيىن شەكتەۋ قويىلۋى مۇمكىن نەمەسە 3 جىلعا دەيىن سوتتالادى.
