قىتاي سوتى ق ر ازاماتشاسىنا قاتىستى ىستە قورعاۋشى كەلتىرگەن زاڭدى دالەلدەردى ەسكەرمەدى
سوت قازاقستان ازاماتشاسىن ۇستاۋ جانە الدىن الا تەرگەۋ كەزىندە قىلمىستىق-پروتسەسسۋالدىق نورمالاردىڭ بۇزىلعانى، سونداي-اق ءىستى قاراعاندا جان-جاقتىلىقتىڭ (جۇكتى جىبەرگەن، قابىلداۋى ءتيىس ادام جانە ت. ب. تابىلمادى) بولماۋى تۋرالى قورعاۋشى كەلتىرگەن دالەلدەردى ەسكەرمەدى.
سوت ۇكىمىنە قاتىستى 10 كۇننىڭ ىشىندە اپەللياتسيالىق ساتىدا، پروۆينسيالىق دەڭگەيدەگى سوتقا شاعىم كەلتىرۋ جوسپارلانىپ وتىر.
سوت وتىرىسىنا قورعاۋشى سۇڭقار نۇرماعامبەتوۆپەن بىرگە قازاقستان رەسپۋبليكاسىنىڭ ق ح ر-داعى ەلشىلىگىنىڭ كونسۋلدىق ءبولىمىنىڭ وكىلدەرى دە قاتىستى. بەلگىلى بولعانداي، اقجارقىن تۇرلىباي قىتاي ءتىلىن بەلسەندى مەڭگەرىپ، قازىرگى كەزدە قىتايشا تۇسىنە الادى.
ەستەرىڭىزگە سالا كەتەيىك، ق ر-نىڭ 20 جاستاعى ازاماتشاسى اقجارقىن تۇرلىباي 2014 -جىلدىڭ ناۋرىز ايىندا مالايزياعا جول جۇرمەك بولعان گۋاڭجوۋ قالاسىنىڭ اۋەجايىندا سينتەتيكالىق ەسىرتكى زاتتارىن تاسىمالداماق بولدى دەگەن كۇدىكپەن ۇستالدى. ەسىرتكى بويجەتكەننىڭ جۇگىنەن تابىلعان.
