قازاقستاندىق نادەجدا نوگاي اۋىر اتلەتيكادان الەم چەمپيونى اتاندى

استانا. قازاقپارات - قازاقستاندىق نادەجدا نوگاي پولشادا اۋىر اتلەتيكادان جاستار اراسىندا وتكەن الەم چەمپيوناتىندا جەڭىمپاز اتاندى.

Sports.kz سايتىنان الىنعان مالىمەتكە قاراعاندا، نادەجدا 75 كەلىدەن استام سالماقتا قوسسايىس قورىتىندىسىندا 275 كەلىنى كوتەردى. تايلاندتىق دۋانگانكسور چايدي (259 كەلى) ەكىنشى، تۋنيس قىزى يوسرا ديب (251 كەلى) ءۇشىنشى ورىندى يەلەندى.

اۋىر اتلەتيكادان قازاقستان قۇراماسىنىڭ باس باپكەرى الەكسەي ني نادەجدا نوگايدىڭ ەكىنشى ورىن العان قارسىلاسىنان 16 كەلىنى ارتىق كوتەرگەنىن اتاپ ءوتتى. بۇل ونىڭ مۇمكىندىگىنىڭ شەگى ەمەس. وسىلايشا، اۋىر اتلەتتەر اراسىندا بولاشاعىنان ۇلكەن ءۇمىت كۇتتىرەتىن جاستار ءوسىپ كەلەدى.

اۆتور: ەلجان ەرالى