قىتايلىقتاردىڭ «شانبي» ۇلتتىق ءانى مەن سونداعى «تۇمار» توبىنىڭ قازاقشا اندەرى اقمولالىق كورەرمەندەردىڭ كوڭىلىنەن شىقتى - فوتو
رەسەي، بەلارۋس، قىتاي، موڭعوليا، باشقۇرتستان، التاي رەسپۋبليكاسىنان كەلگەن الەمدىك دەڭگەيدەگى مۋزىكانتتار مەن فولكلورلىق انسامبلدەر قاتىسىپ، ءوز ونەرلەرىن كورسەتتى.
اسىرەسە، جەرلەستەرىمىزدىڭ «توپايكوك»، «سىرلى كوشە» جانە «ايناكول» اندەرى مەن موڭعوليانىڭ «دۋگۋيلان» ۇلتتىق مۋزىكالىق توبىنىڭ، چەليابى وبلىسىنان كەلگەن «زاريانيتسا» فولكلورلىق ءانسامبلىنىڭ اندەرى، بەلارۋستىڭ «رامە» فولكلورلىق- ەتنوگرافيالىق ءانسامبلىنىڭ «گاپاك»، «لياۆونيحا» اندەرى جانە قىتايلىقتاردىڭ «شانبي» ۇلتتىق ءانى مەن سونداعى «تۇمار» توبىنىڭ قازاقشا اندەرى، باشقۇرتستاننان كەلگەن مينديگارافۋر زاينەتدينوۆ پەن التاي رەسپۋبليكاسىنان كەلگەن بولات بايرىشيەۆتىڭ كونە مۋزىكالىق جانردا ورىنداعان ءان- كۇيلەرى قالا تۇرعىندارى مەن قوناقتارى ءۇشىن ناعىز مەرەكەلىك تارتۋ بولدى.
سونداي- اق قوستاناي، سولتۇستىك قازاقستان وبلىستارى مەن استانا قالالارىنان كەلگەن تانىمال ۇلتتىق مۋزىكالىق- فولكلورلىق انسامبلدەردىڭ ورىنداۋىنداعى شىعارمالار كوپشىلىكتىڭ كوڭىلىنەن شىقتى.
ال كەشتىڭ «تۇزدىعى» - وسى فەستيۆالدىڭ كوركەمدىك جەتەكشىسى ەدىل حۋسايىنوۆتىڭ جەتىگەن، سازسىرناي، سىبىزعى ءتارىزدى قازاقتىڭ مۋزىكالىق اسپاپتارىندا ورىنداعان كۇيلەرى قۇلاقتان كىرىپ، بويدى العانداي اسەر قالدىردى.
شارا سوڭىندا ساحنا تورىنە شىققان بارلىق ونەرپازدارعا وبلىس اكىمى سەرگەي كۋلاگيننىڭ اتىنان ىقىلاس گۇل شوعى تاپسىرىلدى.
