08:29, 14 - ماۋسىم 2015 | GMT +5
ب ا ءا- ىندە قاسيەتتى رامازان ايىندا ازىق- تۇلىك باعاسىن قىمباتتاتۋعا تىيىم سالىندى
استانا. قازاقپارات - ب ا ءا بيلىگى مۇسىلماندار ءۇشىن قاسيەتتى رامازان ايىندا ازىق- تۇلىك ونىمدەرىنە باعانى ۇستاپ تۇرماق، دەپ جازادى امىرلىكتەگى The National باسىلىمى.
وسىلايشا، 3500 ءتۇرلى ءونىمنىڭ باعاسىن كوتەرۋگە تىيىم سالىنادى. ب ا ءا- ءنىڭ ەكونوميكا مينيسترلىگى رامازان ايى ۋاقىتىندا سۇرانىس ارتا تۇسەتىن كۇرىش، ۇن، ءسۇت، ماي جانە باسقا دا ازىق- تۇلىك ونىمدەرىن وندىرۋشىلەرمەن كەزدەسۋ وتكىزىپ، ولاردىڭ قورى جەتكىلىكتى ەكەندىگىنە كوز جەتكىزدى.
ساۋدا نۇكتەلەرىندە ونىمدەر باعاسى تەكسەرىلىپ وتىراتىن بولادى. سونىمەن قاتار اسا قاجەت 4700 ءتۇرلى تاۋارعا 70 پايىزعا دەيىن جەڭىلدىكتەر قاراستىرىلماق.
ادەتتە رامازان ايىندا ب ا ءا- ىندە ءىرى قايىرىمدىلىق شارالار وتەدى، وندا تەگىن تاماقتاندىرۋلار ۇيىمداستىرىلىپ، نەگىزگى تۇتىنىلاتىن تاۋارلاردىڭ قۇنى تومەندەتىلەدى.
