قازاقستان مەن قىتاي مادەني- گۋمانيتارلىق قاتىناستاردى دامىتۋعا نيەتتى
كەزدەسۋ بارىسىندا مادەني- گۋمانيتارلىق ىنتىماقتاستىقتى دامىتۋ، ءوزارا ىنتىماقتاستىق بويىنشا شارت- قۇقىقتىق نەگىزدى جەتىلدىرۋ، ەكى ەل اراسىندا مادەني ورتالىقتاردى قۇرۋ ماسەلەلەرى، سونىمەن قاتار ۇستىمىزدەگى جىلى ق ر كونستيتۋتسياسىنىڭ 20 جىلدىعىنا، قازاق حاندىعىنىڭ 550 جىلدىعىنا، قازاقتىڭ ۇلى ويشىل اقىنى ابايدىڭ 170 جىلدىعىنا جانە قىتاي كومپوزيتورى شيان شينحايدىڭ 110 جىلدىعىنا ورايلاستىرىلعان مادەني شارالاردى وتكىزۋگە ارنالعان ماسەلەلەر تالقىلاندى.
قازاقستان مەن قىتاي اراسىنداعى مادەني- گۋمانيتارلىق ءوزارا ىنتىماقتاستىقتىڭ جوعارى قارقىنى اتاپ ءوتىلدى. مادەني سالاداعى ۇلكەن مۇمكىندىكتەر مەن الەۋەتتى باعىتتارداعى ىنتىماقتاستىقتى ەسكەرە وتىرىپ، ەكى ەلدە مادەني ماۋسىمداردى وتكىزۋگە قول جەتكىزىلدى.
ق ر تۇڭعىش پرەزيدەنتى - ەلباسى قورىنىڭ قولداۋىمەن قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىلىگى بەيجىڭدە «اباي وقۋلارىن» جانە «بەلگىسىز قازاقستان» فوتوكورمەسىن ۇيىمداستىرۋ ماسەلەلەرى كەلىسىلدى.
سۇحباتتاسۋشىلار الداعى شارالار ءساتتى وتكىزىلىپ، ەكى ەل اراسىندا ءوزارا تۇسىنۋشىلىك پەن دوستىقتىڭ تەرەڭدەي تۇسۋىنە ىقپال ەتەتىنىنە سەنىم ءبىلدىردى.
