جامبىل وبلىسىندا جاس مەملەكەتتىك قىزمەتكەرلەر فورۋمى ءوتتى - فوتو

تاراز. قازاقپارات - مەركە اۋدانىندا «ءبىزدىڭ پارىزىمىز - حالىققا قىزمەت ەتۋ» اتتى وبلىستىق جاس مەملەكەتتىك قىزمەتكەرلەر فورۋمى ءوتتى.

بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ جامبىل وبلىسى بويىنشا دەپارتامەنتىندە حابارلادى.

ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى دەپارتامەنتىنىڭ باستاماسى بويىنشا وتكىزىلىپ جاتقان شارا قازاقستاندىق مەملەكەتتىك قىزمەتكەرلەر كۇنىنە ارنالعان. ول ەلدە 23 - ماۋسىمدا اتاپ وتىلەدى.

 فورۋمعا وبلىستىق دەپارتامەنتتەر، وبلىس اكىمدىگىنىڭ باسقارمالارى، قالالىق، اۋداندىق جانە اۋىلدىق وكرۋگتەردىڭ جاس مەملەكەتتىك قىزمەتكەرلەرى قاتىستى.

«فورۋم ماقساتى ادىلدىك، ادالدىق، تاباندىلىق سياقتى حالىققا قىزمەت ەتۋدىڭ باستى ماندەرىن ناسيحاتتاۋ بولىپ تابىلادى. بۇل تۋرالى ق ر پرەزيدەنتىنىڭ «قازاقستان جولى-2050»، «قازاقستان-2020: بولاشاققا باستار جول» جولداۋلارىندا ايتىلعان. سونداي- اق فورۋم 5 ينستيتۋتسيونالدىق رەفورمانى ىسكە اسىرۋ بويىنشا «100 ناقتى قادام» باعدارلاماسىنا سايكەس مەملەكەتتىك قىزمەتشىلەردىڭ وڭ يميدجىن دامىتۋ ماقساتىندا وتۋدە»، - دەپ حابارلادى ۆەدومستۆونىڭ باسپا ءسوز قىزمەتىنەن.

بۇدان باسقا، 11-13 - ماۋسىمدا مەركە اۋدانى ساناتوريىنىڭ بازاسىندا جاس مەملەكەتتىك باسشىلار اراسىندا ءۇش كۇندىك سەمينار- ترەنينگ وتۋدە.

اۋىل اكىمدەرى، وبلىستىق، اۋداندىق اكىمدىكتەر بولىمدەرىنىڭ باسشىلارى، جەرگىلىكتى اتقارۋشى ورگاندار دەپارتامەنتتەرى باسقارمالارىنىڭ باسشىلارى كۇردەلى جاعدايلاردا شەشىمدەر قابىلداۋ، كوشباسشىلىق ساپانى دامىتۋ جونىندەگى توپتىق پسيحولوگيالىق ترەنينگتەرگە، سىبايلاس جەمقورلىق قۇقىق بۇزۋشىلىقتىڭ الدىن الۋ بويىنشا سەمينارلارعا قاتىسادى.

بوس ۋاقىتتارىندا سەمينارعا قاتىسۋشىلار ءتۇرلى سپورتتىق ويىنداردا (ۇستەل تەننيسى، شاحمات، توعىزقۇمالاق) باق سىناسىپ، شىعارماشىلىق بايقاۋلارعا قاتىستى.