قازاقستان - ەتنيكالىق جانە مادەني الۋاندىلىق تۇرعىسىندا الەمدە ەڭ باي مەملەكەت - پاپا كەڭەسىنىڭ پرەزيدەنتى
«سەزد - وتە اۋقىمدى ءارى ماڭىزدى قۇرىلتاي. ءبىر اپتا بۇرىن مەن سارايەۆوعا ساپار كەزىندە ۆاتيكان دەلەگاتسياسىنىڭ قۇرامىندا بولدىم. سول كەزدە ءبىز پاپا فرانتسيسكپەن بىرگە الەمدە ادامدىق قۇندىلىقتاردى تاراتۋ بويىنشا پىكىر الماسقان ەدىك. ءبىز، ءدىني قايراتكەرلەر، قازاقستاندى جاراتۋشىنىڭ نۇرى توگىلگەن جەر دەپ ەسەپتەيمىز، سەبەبى مۇندا مادەني، يدەولوگيالىق، ەتنيكالىق سانالۋاندىلىق شوعىرلانعان»، - دەدى ول بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ج. توراننىڭ ايتۋىنا قاراعاندا، قازىرگى ۋاقىتتا ساياسي قايراتكەرلەر دىن ليدەرلەرىمەن بىرگە ارىپتەستىك ورناتۋدىڭ جولدارىن ىزدەۋدە.
«ەگەر قازىرگى جانە وتكەن مەرزىمدەردەگى جاعدايدى سارالاساق، بۇگىن ادامدار پىكىر الماسۋعا ىنتالى. قاراپايىم ازاماتتاردىڭ وزدەرى الەمدى وزگەرتۋگە اتسالىسۋدا. بۇگىن ول بىرلەستىك ليدەرلەرىنە عانا ءتان نارسە ەمەس، ءاربىر ادام يدەيا مەن پىكىردىڭ يەسى»، - دەپ اتاپ ءوتتى مارتەبەلى ج. توران مىرزا.
اۆتور: جاسۇلان جولدىبايەۆ
