16:47, 11 - ماۋسىم 2015 | GMT +5
ەلباسى بەيبىتشىلىك پەن كەلىسىم مۋزەيىن ۇيىمداستىرۋدى ۇسىندى
استانا. قازاقپارات - بەيبىتشىلىك پەن كەلىسىم سارايىندا ءوتىپ جاتقان الەمدىك جانە ءداستۇرلى دىندەر ليدەرلەرىنىڭ 5- سيەزىنىڭ 2- جالپى وتىرىسىندا ەلباسى نۇرسۇلتان نازاربايەۆ عيمارات ىشىنەن سيەزد تاريحىنان سىر شەرتەتىن ارنايى مۋزەي ۇيىمداستىرۋدى ۇسىندى.
«مەن وسى عيماراتتا بەيبىتشىلىك پەن كەلىسىم مۋزەيىن ۇيىمداستىرۋدى ۇسىنامىن. وزدەرىڭىز دە بىلەتىندەي، بۇل عيمارات 2003 -جىلعى وتكەن 1- سيەزدىڭ شەشىمىمەن قازاقستان وسىنداي فورۋمعا ارنايى سالىنعان بولاتىن» ، - دەدى ەلباسى.
مەملەكەت باسشىسى مۇنداي مۋزەي سيەزد تاريحىنان سىر شەرتىپ قانا قويماي، دىندەر مەن حالىقتاردىڭ دوستىعى مەن بىرلىگىن پاش ەتۋگە دە زور ۇلەس قوساتىن بولادى.
«سونىمەن قاتار، بەيبىتشىلىك پەن كەلىسىم مۋزەيى سيەزد جانىنداعى عىلىمي مەكەمە دە بولادى. ول دىندەر مەن مادەنيەتتەر ديالوگىنىڭ تاريحىن زەردەلەيدى. وسى عيماراتتا ايتىلعان بارلىق يدەيالاردى جيناقتايدى» ، - دەدى ق ر پرەزيدەنتى.
اۆتور: مارلان جيەمباي
