قازاقستان جاستارى ق ر قارۋلى كۇشتەرى جاساعىندا تۇرعان اسكەري تەحنيكامەن تانىستى - فوتو
15 پەن 20 جاس ارالىعىنداعى بوزبالالار مەن بويجەتكەندەر وزدەرىنىڭ كەرەمەت دايىندىعىن پاش ەتىپ، پالاتكالى لاگەردە كالاشنيكوۆ اۆتوماتىن جيناپ-شاشۋدى كورسەتتى. بۇل رەتتە كوماندا قىزدارى جىگىتتەرگە ەشقانداي دەس بەرمەدى، بۇل جاتتىعۋدى ولار 20-25 سەكۋندتا جاساپ شىقتى. وسىدان كەيىن قاتىسۋشىلار بارلىق اسكەر تۇرلەرىنىڭ قولباسشىلىقتارىمەن كەزدەسۋ مۇمكىندىگىنە يە بولدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
سونىمەن، «استانا» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور سۇلتان كامالەتدينوۆ، ق ر ق ك اسكەري-تەڭىز كۇشتەرىنىڭ باس قولباسشىسى كونتر-ادميرال جانداربەك جانزاقوۆ پەن ق ر ق ك ا ق ك اسكەري-اۋە كۇشتەرىنىڭ قولباسشىسى اۆياتسيا گەنەرال-مايورى داۋرەن قوسانوۆ ق ر ق ك اسكەرلەرىنىڭ قىزمەتى مەن قۇرامى جانە دامۋ پەرسپەكتيۆاسى تۋرالى اڭگىمەلەدى.
ق ر قارۋلى كۇشتەرىنىڭ تۇساۋكەسەرىندە ق ر ق ك ق ءا جاراعىندا تۇرعان اتىس قارۋىنىڭ ۇلگىلەرى، تاياۋ ۇرىس قۇرالدارى، وپتيكالىق اسپاپتار، 9 م م ماكاروۆ تاپانشاسى، 9 م م اكس تاپانشاسى ۇسىنىلدى. ونىڭ ەرەكشەلىگى 200 م وق اتۋدىڭ كوزدەۋ قاشىقتىعى بولىپ تابىلادى، وقشانتاي سىيىمدىلىعى - 20 پاترون، پ پ-90, ا ك-74 اۆتوماتى ورناتىلعان ۇڭعى استى گراناتا اتقىشى جانە ورناتىلعان تۇنگى كوزدەۋىشى بار، تۇنگى كوزدەۋىشى بار دراگۋنوۆتىڭ مەرگەندىك ۆينتوۆكاسى جانە 6 مارتە ۇلعايۋىمەن، ر پ گ-7 گراناتا اتقىشى.
ودان باسقا، جيىنعا قاتىسۋشىلار قازاقستان ارمياسى ارنايى بولىمشەلەرىنىڭ جاراعىندا تۇرعان قارۋ-جاراق جۇيەسىن، اسكەري بارلاۋدىڭ تەحنيكالىق قۇرالدارىن كوردى. ونىڭ ىشىندە «راديوتوسقاۋىل» دابىلداما كەشەنى، ول كۇزەتىلەتىن ايماقتان 3 شاقىرىم قاشىقتىقتا بۇزاقوردى انىقتاۋعا مۇمكىندىك بەرەدى. لاڭكەستىككە قارسى تاپسىرمالاردى شەشۋ ءۇشىن كەز كەلگەن كەدەرگىلەردى بۇزىپ وتەتىن، اقپاراتتى الىپ، تاراتاتىن «روبوت-بارلاۋشى» جۇيەسى كورسەتىلدى. سونىمەن قاتار، اسكەري-پاتريوتتىق كلۋب مۇشەلەرىنە ۇشقىشسىز ۇشۋ اپپاراتتارى كورسەتىلدى.
