ن. نازاربايەۆ «شىعىس جۇلدىزى» پارومىنىڭ اپاتقا ۇشىراۋىنا بايلانىستى شي جينپينگە كوڭىل ايتتى

استانا. قازاقپارات - ەلباسى نۇرسۇلتان نازاربايەۆ شاڭجياڭ دارياسىندا «شىعىس جۇلدىزى» پارومىنىڭ اپاتقا ۇشىراۋىنا بايلانىستى قىتاي حالىق رەسپۋبليكاسىنىڭ ءتوراعاسى شي جينپينگە كوڭىل ايتتى.

بۇل تۋرالى اقوردانىڭ باسپا ءسوز قىزمەتىنەن حابارلادى.

كوڭىل ايتۋ جەدەلحاتىندا كوپتەگەن قىتاي ازاماتتارىن قازاعا ۇشىراتقان اپات تۋرالى سۋىت حاباردى مەملەكەت باسشىسىنىڭ زور كۇيزەلىسپەن قابىلداعانى اتاپ وتىلگەن.

 «دوستاس قىتاي حالقىنىڭ ورنى تولماس قايعىسىنا ورتاقتاسا وتىرىپ، قازا بولعانداردىڭ وتباسىلارىنا بارشا قازاقستاندىقتار جانە جەكە ءوز اتىمنان كوڭىل ايتامىن. وسى قايعىلى وقيعادان زارداپ شەككەندەردىڭ تەزىرەك ساۋىعىپ كەتۋىنە تىلەكتەستىگىمدى بىلدىرەمىن» ، - دەلىنگەن جەدەلحاتتا.