ن. نازاربايەۆ: يسلامدى تەرروريزم مەن ەكسترەميزمنىڭ كەز كەلگەن فورماسىن اقتاپ الۋ ءۇشىن پايدالانۋعا ۇمتىلۋ - ءدىندى قورلاۋشىلىق
بۇگىن استانادا الەمدىك جانە ءداستۇرلى دىندەر ليدەرلەرىنىڭ سەزى اياسىنداعى ءدىن ليدەرلەرىنىڭ كەڭەسىنىڭ Ⅱ وتىرىسىندا ءسوز سويلەگەن قر پرەزيدەنتى نۇرسۇلتان نازاربايەۆ وسىلاي مالىمدەدى.
«الەمدىك الەۋمەتتىك جەلىلەر دىندەر مەن ءدىن قىزمەتكەرلەرىنە قارسى تولاسسىز شابۋىلعا تولىپ كەتكەنىن كورمەي قالۋعا بولمايدى. الەمدىك دىندەردىڭ بارلىعى دا سابىرلىلىققا، شىدامدىلىق پەن ۇستامدىلىققا شاقىرۋدا، ادامدار اراسىندا قاقتىعىستاردى توقتاتىپ، بەيبىتشىلىك پەن كەلىسىمگە ۇندەيدى. الەمنىڭ باسقا دىندەرى سەكىلدى ەڭ تولەرانتتى ءدىننىڭ ءبىرى - بۇل يسلام. يسلامدى تەرروريزم مەن ەكسترەميزمنىڭ كەز-كەلگەن فورماسىن اقتاپ الۋ ءۇشىن پايدالانۋعا ۇمتىلۋ كورىنىستەرى دە ورىن الىپ وتىر. بۇل - ءدىندى قورلاۋشىلىق. مەن بۇگىنگىدەي كۇردەلى زاماندا بارلىق ءدىن قايراتكەرلەرىن وزدەرىنىڭ ۋاعىزدارىندا بەيبىتشىلىككە، تولەرانتتىلىق پەن كەشىرىمگە شاقىرۋدى ەسەلەۋگە ۇندەيمىن. بىرلىكتى ساقتاپ، ونى باعالايتىن كەز- كەلگەن حالىق ولمەيدى، ول ۇلى حالىق»، - دەدى ن. نازاربايەۆ.
بۇل رەتتە ەلباسى قازاقستان حالقى دا ءوزىنىڭ بىرلىگى ارقاسىندا دامىپ وتىرعانىن، بۇل الەمنىڭ وزىق وتىز ەلىنىڭ ەڭ جوعارى قۇندىلىعى ەكەنىن اتاپ ءوتتى.
اۆتور: قانات مامەتقازى ۇلى
