ق ر سىرتقى ىستەر ءمينيسترى ەرلان ىدىرىسوۆ تاراپتاردى ۋكراينالىق داعدارىستى تەزىرەك شەشۋگە شاقىردى

ماسكەۋ. قازاقپارات - «ش ى ۇ ايماعىنداعى قاۋىپسىزدىك پەن تۇراقتىلىق» كونفەرەنسياسىندا ءسوز سويلەگەن ق ر سىرتقى ىستەر ءمينيسترى ەرلان ىدىرىسوۆ بارلىق تاراپتاردى ۋكراينالىق داعدارىس بويىنشا شەشىمدەردى مينسك كەلىسۋشىلىكتەرىنىڭ نەگىزىندە تەزىرەك شەشۋگە شاقىردى.

«ونى ەڭسەرۋ ءۇشىن بارلىق ەلدەر كۇش سالۋى ءتيىس»، - دەپ اتاپ ءوتتى ول.

مينيستر ۋكرايناداعى شيەلەنىس ءبىزدىڭ كەڭىستىگىمىزدەگى ەڭ وتكىر جاعداي بولىپ تابىلاتىنىن اتاپ ءوتتى.

قازاقستاندىق تاراپتىڭ پوزيتسياسىنا قاتىستى ق ر سىرتقى ساياسي ۆەدومستۆوسىنىڭ باسشىسى قازاقستان ءوز تاراپىنان بۇل جانجالدى شەشىمىن تابۋدا قولدان كەلگەنىنشە بار مۇمكىندىكتى پايدالاناتىندىعىن ايتتى.

 «قازاقستان جانە ونىڭ كوشباسشىسى، ق ر پرەزيدەنتى نۇرسۇلتان نازاربايەۆ بۇعان ۇنەمى قاتىسۋدا. قازاقستان ءبىزدىڭ كەڭىستىگىمىزدەگى بۇل وتكىر داعدارىستىڭ شەشىلۋىنە جان- جاقتى كومەك كورسەتىپ، الداعى ۋاقىتتا وسى جانجالدى شەشۋ جولدارىن ىزدەستىرۋدە بار ۇلەسىن قوسۋعا دايىن»، - دەدى ە. ىدىرىسوۆ.