ق ر پرەزيدەنتى جانىنداعى شەتەل ينۆەستورلارىنىڭ قۇرامى وزگەردى

استانا. قازاقپارات - ەلورداداعى تاۋەلسىزدىك سارايىندا ءوتىپ جاتقان ق ر پرەزيدەنتى جانىنداعى شەتەل ينۆەستورلارىنىڭ 28- كەڭەسى بارىسىندا ەلباسى نۇرسۇلتان نازاربايەۆ كەڭەس قۇرامىنىڭ جاڭا مۇشەلەرىمەن تانىستىردى.

 «قۇرمەتتى دوستار، داستۇرگە ساي كەڭەس قۇرامى ءار وتىرىس بارىسىندا جاڭارىپ وتىرادى. اعىمداعى جىلى دا جاڭا مۇشەلەرمەن تولىعادى. مەن ولاردى سىزدەرگە تانىستىرعىم كەلەدى. ولار وسىندا وتىرعان Citigroup كومپانياسىنىڭ ەۋروپا، تاياۋ شىعىس جانە افريكا ەلدەرىندەگى باس اتقارۋشى ديرەكتورى دجەيمس كوۋلز مىرزا، Baker and McKenzie فيرماسىنىڭ اتقارۋشى كوميتەتىنىڭ مۇشەسى، باس ديرەكتورىنىڭ ورىنباسارى ەريك شير، ەۋرازيالىق دامۋ بانكى باسقارماسىنىڭ ءتوراعاسى دميتري پانكين، EY كليەنتتەرمەن ءوزارا بايلانىس جونىندەگى جاھاندىق باسقارۋشى سەرىكتەسى كارماينا دي سيبيو، BG Group's ءوندىرىس جونىندەگى باس باسقارۋشى ديرەكتورى سامي يسكاندەر. بارلىقتارىڭىزدىڭ جۇمىستارىڭىزعا تابىس تىلەيمىن» ، - دەدى ەلباسى.

 

 اۆتور: مارلان جيەمباي