اتىراۋدا جارنامالىق شوۋعا قاتىسقان ەكى قىزعا ايىپپۇل سالىندى

اتىراۋ. قازاقپارات - اتىراۋ قالاسىنىڭ مامانداندىرىلعان اكىمشىلىك سوتى قالانىڭ ورتالىق كوشەسىندە ورنالاسقان دۇكەننىڭ الدىندا ايەلدەردىڭ ءىش كيىمىن جارنامالاعان پولينا تۇرعانبايەۆا مەن يرينا لاتىفوۆاعا قاتىستى اكىمشىلىك ءىستى قارادى.

«سوت جارنامالىق شاراعا قاتىسقان قىزداردى ق ر ا ق ك 434-بابى 1-بولىمىندە قاراستىرىلعان قۇقىقبۇزۋشىلىق بويىنشا (ۇساق بۇزاقىلىق) ايىپتى دەپ تاپتى. ولاردىڭ ءارقايسىسىنا 10 ا ە ك كولەمىندە - 19820 تەڭگەدەن ايىپپۇل سالىندى»، دەپ حابارلادى وبلىستىق سوتتىڭ باسپا ءسوز حاتشىسى بورانباي عاليەۆ.