سۋداعى بالا ءولىمى ءۇشىن مۇعالىمدەردى قىلمىستىق جاۋاپكەرشىلىككە تارتۋ كوزدەلۋدە - ب ق و پروكۋراتۋراسى
ب ق و پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، وتكەن جىلى بارلىعى 31 ادام «ءتىلسىز جاۋدىڭ» قۇربانى بولسا، سونىڭ 9 جەتكىنشەكتەر ەدى. مامىر ايىنىڭ تەك سوڭعى اپتاسىندا عانا 7 ادام سۋعا كەتتى.
اجالى سۋدان بولعان بالالاردىڭ ەڭ جاسى 4-تە عانا. ول 1 - مامىر كۇنى وتباسى مۇشەلەرى تابيعات اياسىندا دەمالعان كەزدە قاراۋسىز قالىپ، زەلەنوۆ اۋدانىنداعى ماتۆەيەۆ وزەنىنە قۇلاپ كەتكەن. ال توعىز جاسار بالانى اتا- انالارى سۋعا تۇسۋگە وزدەرى جىبەرگەن. ورال قالاسىنداعى وتباسىلىق ۇلگىدەگى بالالار اۋىلىنىڭ تاربيەلەنۋشىلەرى فۋتبول ويناۋعا سۇرانىپ شىعىپ، قالالىق مادەنيەت جانە دەمالىس ساياباعى اۋماعىندا بىرەۋى سۋعا باتىپ كەتكەن.
تەرەكتى اۋدانى پوكاتيلوۆ اۋىلىندا سۋعا تۇسۋگە اتا- انالارىنان سۇرانعان 12 جاسار ءۇش قىزدىڭ ەكەۋى ءبىرىن- ءبىرى قۇتقارام دەپ قۇربان بولدى. ءۇشىنشىسى تاياق ۇسىنىپ، ارەكەت جاساعانىمەن، ءالى كەلمەدى. ءتىرى قالعان قىزدىڭ سوزىنە قاراعاندا، سول ماڭدا بولعان ەر ادام شاقىرۋعا كەلمەگەن. سونداي- اق اقجايىق اۋدانى كونەككەتكەن اۋىلىندا 25 - مامىر كۇنى تابيعات اياسىندا دەمالعان كەزدە مەكتەپ تۇلەگى جاعادا اياعىن جۋماقشى بولعاندا، تىك جاردان قۇلاپ كەتكەن.
التى بالانىڭ وسىلايشا قايعىلى جاعدايعا ۇشىراۋى ەرەسەك ادامداردىڭ ولاردى قاراۋسىز قالدىرۋىنان بولسا، جاڭاقالا اۋدانى جاڭاقازان اۋىلىندا قايعىلى وقيعا ەكى ءمۇعالىمنىڭ تىكەلەي قاتىسۋىمەن ورىن الدى. ولار 6-سىنىپتا وقيتىن 27 بالانىڭ ومىرىنە جاۋاپ بەرەمىز دەپ مىندەتتەمە الىپ، سارىايدىنعا دەمالۋعا شىعادى. مۇعالىمدەردىڭ بىرەۋى بالالاردىڭ سۋعا ءتۇسىپ جۇرگەنىن كورىپ، ولارعا تەرەڭگە كەتىپ قالماۋىن ەسكەرتەدى. ال بالانىڭ ءبىرى سۋعا كەتە باستاعاندا، مۇعالىم ونى قۇتقارۋعا باسقا وقۋشىلاردى جۇمسايدى، ءسويتىپ ولاردىڭ دا ومىرىنە ءقاۋىپ توندىرەدى. بالانىڭ مۇردەسىن جاقىن جەردە جۇرگەن ەر ادامدار سۋدان الىپ شىعۋعا جاردەمدەسەدى.
وبلىس پروكۋراتۋراسى ابايسىزدا بالانىڭ ولىمىنە اكەلىپ سوقتىرعان، بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ مىندەتتەرىن ءتيىستى دەڭگەيدە ورىنداماعان مۇعالىمدەردى ق ر ق ك 141-بابىنىڭ 2- ءبولىمى بويىنشا قىلمىستىق جاۋاپكەرشىلىككە تارتۋ تۋرالى ماسەلە قويدى. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە. اتالمىش باپ بويىنشا ايىپتارى دالەلدەنسە، مۇعالىمدەر بەس جىلعا دەيىن باس بوستاندىعىنان ايىرىلۋى مۇمكىن.
اۆتور: ەلجان ەرالى
