ۇلى بريتانيادا قاتەرلى ىسىكتى ەمدەۋدىڭ تىڭ ءادىسى تابىلدى

استانا. قازاقپارات - بريتاندىق دارىگەرلەر قاتەرلى ىسىكتى ەمدەۋدىڭ تىڭ ءتاسىلىن ويلاپ تاپتى.

ولاردىڭ ايتۋىنشا، يممۋنوتەراپيانىڭ كومەگىمەن بىرنەشە اي ءومىرى قالعان ناۋقاستاردىڭ ءوزى قۇلان تازا ايىعىپ كەتكەن. اتالعان ءادىس ارقىلى ادامنىڭ يممۋندى جۇيەسى ىسىك جاسۋشالارىن شابۋىلدايدى.

اقحالاتتىلار 5 جىلدان كەيىن بۇل ءادىستىڭ حيميالىق تەراپيانى الماستىراتىنىن ايتۋدا. دەگەنمەن ءدارى-دارمەكتەردىڭ جوعارى باعاسى كەسىرىنەن بۇل ادىسپەن ەكىنىڭ ءبىرى ەمدەلە المايدى. 12 اپتالىق ەمدەلۋ كۋرسىنىڭ باعاسى شامامەن 160 مىڭ دوللار تۇرادى ەكەن.

پەم سميت، ناۋقاس:

- دارىگەرلەر مەندەگى قاتەرلى ىسىكتى العاش رەت وتكەن جىلدىڭ قىركۇيەگىندە انىقتاعان بولاتىن. باستاپقىدا ونىڭ ولشەمى 9 ميلليمەتر بولعان. سوڭعى رەت ساۋىردە تەكسەرۋدەن وتكەنىمدە، ىسىكتى 4 ميلليمەترگە دەيىن ازايعانى بەلگىلى بولدى.

دجاستين ستەببينگ، پروفەسسور:

- ەڭ باستىسى، ناۋقاسقا دەر كەزىندە قاجەتتى ءدارى-دارمەكتى ۇسىنۋ. بۇل ونىڭ جازىلىپ كەتۋ مۇمكىندىگىن ەلەۋلى تۇردە ارتتىرادى.

www.24.kz