باقىتجان ساعىنتايەۆ د. روگوزينمەن قازاقستاندىق عارىشكەردىڭ حالىقارالىق عارىش ستانساسىنا ۇشۋ ماسەلەسىن تالقىلادى
قازا تاپقان سىناۋشى- جاۋىنگەرلەردىڭ ەسكەرتكىشىنە گۇل شوقتارىن قويعان باقىتجان ساعىنتايەۆ رەسمي شارالارعا قاتىسىپ، قالا تۇرعىندارى مەن بايقوڭىر عارىش ايلاعىنىڭ قىزمەتكەرلەرىن جانە ارداگەرلەردى مەرەيتويمەن قۇتتىقتادى.
«بايقوڭىر» عارىش ايلاعىنىڭ تاريحي جانە عىلىمي- تەحنيكالىق ماڭىزىن تۇسىنگەن قازاقستان مەن رەسەي ونى ارى قاراي دامىتۋ بويىنشا جۇمىستاردى جۇرگىزىپ وتىر. قازاقستان مەن رەسەي فەدەراتسياسى پرەزيدەنتتەرىنىڭ قولداۋىمەن اتالعان عارىش ايلاعى الەمدىك عارىش سالاسىنىڭ دامۋىندا كوش باستاپ كەلەدى. ول ەكى ەل اراسىنداعى ءوزارا ءتيىمدى ىقپالداستىقتىڭ، عىلىمي- تەحنيكالىق پروگرەستىڭ سيمۆولى ىسپەتتى»، - دەدى ق ر پرەمەر- ءمينيسترىنىڭ ءبىرىنشى ورىنباسارى.
باقىتجان ساعىنتايەۆ سونىمەن قاتار، ر ف ۇكىمەتى ءتوراعاسىنىڭ ورىنباسارى دميتري روگوزينمەن كەلىسسوزدەر جۇرگىزدى. ولار «بايقوڭىر «كەشەنىنىڭ ارى قاراي دامۋىن، قازاقستاندىق عارىشكەردىڭ حالىقارالىق عارىش ستانساسىنا ۇشۋ تۋرالى ماسەلەنى جانە «بايتەرەك» پەن «دنەپر» باعدارلامالارىنىڭ بولاشاعىن تالقىلادى.
