حالىقارالىق «قازاق داۋىسى» ءان بايقاۋى جاريالاندى، باس جۇلدە - ميلليون تەڭگە
بايقاۋدىڭ ماقساتى:
تۇنىعى لايلانعان بۇگىنگى قازاق اۋەنىنە تىڭ سەرپىن بەرۋ. شىن تالانتتاردى سۇرىپتاپ، قازاق رۋحانياتىنىڭ تورىنە شىعارۋ.
قاتىسۋ شارتتارى:
قازاق ءانىن شىرقايتىن كەز كەلگەن ادام قاتىسا الادى(ۇلتىنا، مەملەكەتىنە، ناسىلىنە، جاسىنا، جىنىسىنا شەكتەۋ قويىلمايدى) .
قاتىسۋشى بايقاۋعا ۇسىناتىن ءانىن جاندى داۋىستا ورىنداپ، ۆيدەونۇسقادا «قامشى» پورتالىنىڭ ەل. پوشتا، ۆاتساپ، ۆيچات، فەيسبۋك.. .. پاراقشالارىنا جولدايدى(ۆيدەو ساپاسىنا تالاپ قويىلمايدى. ورىنداۋشىنىڭ بەينەسى مەن داۋىسى انىق ەستىلۋى قاتىسۋشىنىڭ وزىنە ءتيىمدى) .
بايقاۋعا قاتىسۋشى سۋرەتى مەن ءوزى تۋرالى شاعىن مالىمەتتى قوسا جىبەرۋى ءتيىس(ەل. پوشتا، تەلەفون.. .) .
قاتىسۋشى بايقاۋعا ۇسىناتىن ءانىن ورىنداۋدىڭ الدىندا مىنا سوزدەردى ايتۋى مىندەتتى: «قامشى» پورتالى ۇسىنعان ارنايى «قازاق داۋىسى» جوباسى ءۇشىن مەن(ءبىز) اتى- ءجونى ءاننىڭ اتى(مالىمەت) - ىن ورىندايمىن(- ىز) . قابىل الىڭىزدار. ەگەر سىزدەرگە ۇناپ جاتسا، وسى ۆيدەوعا داۋىس بەرىپ، پىكىر قالدىرۋلارىڭىزدى سۇرايمىن.
فورماسى:
ىرىكتەۋ:
جۇلدەگەرلەر تىڭدارماننان جيناعان داۋىس سانى مەن ارنايى ءادىل- قازىلار ارقىلى انىقتالادى. (تىڭدارمان داۋىسى - 50 پايىز، ءادىل- قازىلار(5 ادام) - 50 پايىز) .
Youtube بەتى كورىنبەيتىن مەملەكەتتەر ءۇشىن ءاننىڭ mp3 نۇسقاسى قوسا جۇكتەلەدى.
بايقاۋ 6 ايعا جالعاسادى.
I تۋر. بايقاۋعا قاتىسۋشىلار ۇسىنعان ۆيدەو(ءوزى قالاعان ءانىن ورىندايدى) 25 - ماۋسىمنان باستاپ جاريالانىپ، 25 - شىلدەدە اياقتالادى. Ⅱتۋرعا وتۋشىلەر قورتىندىسى 1 - تامىزدا جاريالانادى.
Ⅱتۋر. Ⅱتۋرعا وتكەندەر مىندەتتى تۇردە قازاقتىڭ حالىق ءانى مەن حالىق كومپوزيتورلارىنىڭ شىعارماسىن(ءبىرجان سال، اقان سەرى.. .) ورىنداپ، ۆيدەونۇسقاسىن قايتا جىبەرۋى ءتيىس. ول 5 - تامىزدان 25 - تامىز ارالىعىندا جاريالانادى. Ⅲتۋرعا وتۋشىلەر قورتىندىسى 1 - قىركۇيەكتە بەلگىلى بولادى.
Ⅲتۋر. Ⅲتۋرعا وتۋشىلەر ءادىل- قازىلار ۇسىنعان ونەر تۋىندىسىن ورىنداۋى شارت. 5 ادامنان قۇرالعان ءادىل- قازىلار القاسى وزدەرى داۋىس بەرگەن قاتىسۋشىلارعا ءان ۇسىنادى. ۆيدەو 5 - قىركۇيەكتەن 25 - قىركۇيەك ارالىعىندا قابىلدانادى. سوڭعى تۋرعا وتۋشىلەر قورتىندىسى 1 - قازاندا بەلگىلى بولادى.
قورتىندى. جەڭىمپاز بولعان 11 قاتىسۋشى 5 - قازاننان 25 - قازانعا دەيىن ءوزىنىڭ ەڭ سۇيىكتى ءانىن جانە ءادىل- قازىلار ۇسىنعان ءبىر ءاندى(بارلىعى ءبىر ءاندى شىرقايدى) جولدايدى. قورتىندى 1 - قاراشادا جاريالانادى.
باس جۇلدە - ميلليون تەڭگە جانە باعالى سىيلىقتار.
العاشقى 10 جەڭىمپاز - اقشالاي جانە باعالى سىيلىقتار. سونداي- اق، قازاقستان ەسترادا جۇلدىزدارىنىڭ قاتىسۋىمەن الماتىدا وتەتىن گالا- كونتسەرتتە ونەر كورسەتۋ مۇمكىندىگى.
باستالۋ مەرزىمى: ۆيدەو قابىلداۋ بۇگىننەن باستالىپ، 25 - شىلدەدە اياقتالادى. ال سايتقا جاريالاۋ 2015 -جىل 25 - ماۋسىمنان باستالادى. ياعني «قازاق داۋىسى» جوباسىنا قاتىسۋشىلاردىڭ ۇسىنىمدارى بۇگىننەن باستاپ 25 - شىلدەگە دەيىن جالعاسادى. ودان ءارى جاڭا ۆيدەو قابىلدانبايدى. ۆيدەونى ەرتەرەك ۇسىنۋ - قاتىسۋشىنىڭ داۋىس جيناۋىنا وڭ اسەر ەتەدى.
قازاقستاننىڭ ونەر جۇلدىزدارىنان قۇرام تاپقان ءادىل- قازىلار القاسى 5 - ماۋسىمدا انىقتالادى.
اقپاراتتىق سەرىكتەستەر مەن دەمەۋشىلەر ءتىزىمى 10 - ماۋسىمدا جاريالانادى.
(بايقاۋدىڭ دەڭگەيىن كوتەرەتىن ۇسىنىستار بولىپ جاتسا، بايقاۋ شارتتارىنا ءىشىنارا وزگەرىستەر قوسىلۋى مۇمكىن. )
E-mail: qamshy@gmail.com, qazaqdauysy@163.com
ۆاتساپ: 8-777-843-11-95, 8-778-683-38-47
ۆيچات: qazaqdauysy
QQ: 948705083
VK: http://vk.com/qamshy2
Instagram: qazaqdauysy
Facebook: http://www.facebook.com/qamshy
تەل: 8-727-273-33-14
