قالماقتار بۋددانىڭ تۋعان كۇنىن اتاپ وتەدى
بۇل تۋرالى «ر ي ا نوۆوستي» اگەنتتىگىنە رەسپۋبليكانىڭ ورتالىق قۇرالىنىڭ (حۋرۋل) وكىلى حابارلادى.
رەسپۋبليكا باسشىسى الەكسەي ورلوۆتىڭ جارلىعىنا سايكەس، بۇل كۇن دەمالىس كۇنى دەپ جاريالانعان.
اڭىزعا سۇيەنسەك، بۋدديزمنىڭ نەگىزىن قالاۋشى ءبىزدىڭ ەرامىزعا دەيىن 623 - جىلى وسى كۇنى دۇنيەگە كەلىپتى. ۋاقىت وتە كەلە، بۋددا ءدال وسى كۇنى نۇرلانىپ، پارينيرۆاناعا (شەكسىز تىنىشتىق پەن باقىت) كەتىپ، كوز جۇمعان. وسىلايشا، بۋددانىڭ ومىرىندەگى ەڭ ماڭىزدى ءۇش وقيعا ءبىر كۇندە اتالىپ وتىلەدى.
«كۇندىز سونداي- اق، «بۋددانىڭ ءومىرى» دەرەكتى فيلمىن كورسەتۋ جوسپارلانعان. وندا «ءومىر قۇپياسىنىڭ» سىرىن اشۋ ءۇشىن سارايدان كەتكەن جاس ادام تۋرالى باياندالادى»، - دەيدى حۋرۋل وكىلى.
**
قالماقستان (قالماقيا) رەسپۋبليكاسى - رەسەي فەدەراتسياسىنىڭ قۇرامىنا كىرەتىن رەسپۋبليكا، وڭتۇستىك فەدەرالدى وكرۋگىنىڭ قۇرامىنا كىرەدى.
ەلورداسى - ەليستا قالاسى. ەۋروپاداعى جالعىز بۋدديستىك ايماق بولىپ سانالادى.
رەسپۋبليكا وڭتۇستىگىندە داعىستانمەن، وڭتۇستىك- باتىسىندا ستاۆروپول ولكەسىمەن، باتىسىندا روستوۆ وبلىسىمەن، سولتۇستىك- باتىسىندا ۆولگوگراد وبلىسىمەن، شىعىسىندا استراحان وبلىسىمەن شەكتەسەدى. قالماق رەسپۋبليكاسى. ول قالماق تىلىندە حالمع تانعچ دەپ اتالادى. ونىڭ %45- ى قالماقتار، %38- ى ورىستار، قالعانى وزگە ۇلتتار. ولاردىڭ ىشىندە قازاقتار دا بار.
قالماق ءتىلى موڭعول تىلدەرى توبىنا جاتادى.
