بارلىق جاقسىلىق - بالالارعا: قازاقستاندا حالىقارالىق بالالاردى قورعاۋ كۇنى اتاپ ءوتىلدى - فوتو رەپورتاج

استانا. قازاقپارات - ءسابيدىڭ شۋاقتى كۇلكىسى شاتتىققا تولتىرىپ، ونىڭ الاڭسىز وسۋىنە بۇكىل قوعام بولىپ اتسالىسۋ - ىلگەرىشىل ەلدىڭ بۇلجىماس ءداستۇرى.

 ويتكەنى، ولار ەلىمىزدىڭ ەرتەڭى، ءبىزدىڭ ىزگى ىستەرىمىزدى جالعاستىرار ۇرپاق، جاس بۋىن. «بارلىق جاقسىلىق - بالالارعا!» دەگەن قاناتتى ءسوز ءوزىنىڭ ماڭىزىن جويعان جوق.

بۇگىن ەلىمىزدىڭ بارلىق تۇكپىر- تۇكپىرىندە كەڭىنەن اتالىپ وتكەن حالىقارالىق بالالار كۇنىنىڭ مەرەكەلىك شارالارى وسكەلەڭ ۇرپاقتىڭ ەسىندە قالار قۋانىشتى ساتتەرگە تولى بولدى. ەڭ باستىسى، بەيبىت كۇننىڭ شۋاعىمەن نۇرلانىپ، جەلكىلدەپ وسكەن قۇراقتاي، ءۇمىت ارتار ۇرپاعىمىز بار. «تالاپتىڭ ءمىنىپ تۇلپارىن، تاس قياعا ورلەگەن» بۇگىنگى ۇرپاقتىڭ لۇپىلدەگەن جۇرەگى وتانىم دەپ سوعادى. ولاردىڭ ۇكىلى ارماندارىنىڭ ورىندالۋىنا ەلىمىزدە بارلىق جاعداي جاسالعان!