13:41, 31 - مامىر 2015 | GMT +5
تانىمالى كومپانيانىڭ پرەزيدەنتى كورپوراتيۆتىك ۇشاقتىڭ بورتىندا كوز جۇمدى
استانا. قازاقپارات - American Express كومپانياسىنىڭ پرەزيدەنتى ەد گيلليگان جۇما كۇنى كەشكە كورپوراتيۆتىك ۇشاعىمەن نيۋ- يوركقا قايتىپ كەلە جاتقان كەزدە كوز جۇمعان، دەپ حابارلايدى ۋترو. Ru.
گيلليگان 55 جاستا ەدى. ونىڭ زايىبى مەن ءتورت بالاسى قالدى. ونىڭ ۇشاعى ا ق ش اۋماعىنا ءماجبۇرلى تۇردە قونۋىنا تۋرا كەلگەن. كومپانيانىڭ وكىلى گيلليگاننىڭ قايدان ۇشىپ كەلە جاتقانى ايتپادى.
American Express پرەزيدەنتى بۇل كومپانيادا 35 جىل بۇرىن تالىمگەر رەتىندە جۇمىس ىستەي باستاعان. قازىرگى قىزمەتىنە 2013 - جىلى كىرىسكەن ەدى.
سوڭعى جىلدارى گيلليگان كومپانيانى دامىتۋدىڭ ءبىرقاتار باعىتتارىمەن جۇمىس ىستەگەن. اتاپ ايتقاندا، كوممەرتسيالىق كارتالار، شاعىن بيزنەس، ساۋدا قىزمەتتەرى، ساياحاتتار، ساندىق سەرىكتەستىك پەن تولەمدەر سياقتى باعىتتارمەن جۇمىس اتقارعان.
قارجى قىزمەتتەرىنىڭ تالداۋشىسى دجيم شەناحەننىڭ ايتۋىنشا، گيلليگان American Express كومپانياسىنىڭ قازىرگى اتقارۋشى ديرەكتورى كەن شەنونىڭ ورنىنا نەگىزگى كانديدات بولعان.
