حالىقارالىق بالالاردى قورعاۋ كۇنى اياسىندا قازاقستاندىق دارىگەرلەر تۇرعىندارعا تەگىن كەڭەستەر بەرەدى
ق ر د س ا د م حابارلاعانداي، اتالعان ءىس- شارالار بيىل «بالالاردىڭ دەنساۋلىعى مەن باقىتى - ءبىزدىڭ قولىمىزدا» ۇرانىمەن وتەتىن حالىقارالىق بالالار قورعاۋ كۇنىنە ارنالادى.
سونىمەن قاتار، رەسپۋبليكا وڭىرلەرىندە جاسوسپىرىمدەردىڭ دەنساۋلىعىن ساقتاۋ جانە نىعايتۋ، رەپرودۋكتيۆتىك قۇقىقتارىن قورعاۋ ماسەلەلەرى بويىنشا دوڭگەلەك ۇستەلدەر، دەباتتار جانە سەمينار- ترەنينگتەر وتەدى. م س ا ك ۇيىمدارىندا «نارەستەلى بولامىن» جانە «جارىق دۇنيە عاجايىبى - قۋانىشىممەن ءبولىسىڭىز» تاقىرىبىندا بولاشاق انالارعا ارنالعان فوتوبايقاۋلار وتكىزۋ جوسپارلانعان.
حالىقارالىق بالالاردى قورعاۋ كۇنى - ادامگەرشىلىكتى جانە ادىلەتتى قوعام قالىپتاستىرۋ ءۇشىن قاجەتتى شارالار رەتىندە بالالاردىڭ ومىرگە، پىكىر ەركىندىگىنە، دىنگە، ءبىلىم الۋعا، دەمالىسقا جانە بوس ۋاقىتقا دەگەن قۇقىقتارىن ساقتاۋ، دەنە جانە پسيحولوگيالىق زورلىقتان، بالالار ەڭبەگىن پايدالانۋدان قورعاۋ قاجەتتىگى تۋرالى ۇلكەندەردىڭ ەسىنە سالۋ بوپ تابىلادى.
ەسكە سالا كەتەيىك، بالالاردى قورعاۋ كۇنى - ەرتەدەن كەلە جاتقان حالىقارالىق مەرەكەلەردىڭ ءبىرى. ول 1950 - جىلدان بەرى جازدىڭ العاشقى كۇنى اتاپ وتىلەدى.
