اۋىر اتلەتيكادان ازيا چەمپيوناتى تايلاندتا وتەدى

استانا. قازاقپارات - اۋىر اتلەتيكادان ازيا چەمپيوناتىنا سپورتشىلاردى ىرىكتەۋ شىلدە ايىندا وتكىزىلەدى، دەپ حابارلايدى BNews.kz.
None
None

نەپالداعى جويقىن ءزىلزالادان كەيىن ازيا بىرىنشىلىگىن تايلاندتا وتكىزۋ تۋرالى شەشىم قابىلداندى.

«و باستا ءبىز قۇرلىقتىق بىرىنشىلىككە قاتىساتىن اۋىر اتلەتتەردى ىرىكتەۋدى اناتوليي حراپاتىي اتىنداعى رەسپۋبليكالىق تۋرنير بارىسىندا وتكىزۋدى جوسپارلاعانبىز. الايدا جارىستىڭ الدىندا ازيا چەمپيوناتىنىڭ قىركۇيەك ايىنا اۋىستىرىلعانى بەلگىلى بولدى، سوندىقتان قازىر سپورتشىلاردى ىرىكتەۋدىڭ ەش ءمانى جوق»، - دەپ اتاپ ءوتتى اۋىر اتلەتيكادان قۇرامانىڭ باس باپكەرى الەكسەي ني.

سونداي-اق الەكسەي ءنيدىڭ ايتۋىنشا، جازدا سپورتشىلار ەكى توپقا بولىنەدى، اتلەتتەردىڭ كەيبىرى ازيا چەمپيوناتىنا دايىندالسا، ەندى ءبىرى الەم بىرىنشىلىگىندە باعىن سىناۋ ءۇشىن جاتتىعادى. دەگەنمەن قوس دوداعا دا قاتىساتىن سپورتشىلار بولىپ قالۋى مۇمكىن.

ەستەرىڭىزگە سالىپ وتسەك، اۋىر اتلەتيكادان ازيا چەمپيوناتىن 23 مەن 30- شىلدە ارالىعىندا كاتماندۋدا (نەپالدا) وتكىزۋ جوسپارلانعان ەدى. الايدا نەپالداعى جويقىن جەر سىلكىنىسىنەن كەيىن قۇرلىقتىق بىرىنشىلىكتى باسقا ەلگە اۋىستىرۋ تۋرالى شەشىم قابىلداندى. بۇعان قوسا، چەمپيوناتتىڭ ءوتۋ كۇندەرى دە وزگەردى، ەندى بايراقتى باسەكە تايلاندتا 3 مەن 12- قىركۇيەك ارالىعىندا وتەدى.

سوڭعى جاڭالىقتار