قازاقستان حالقى اسسامبلەياسى جىلىنا ورايلاستىرىلعان «مەنىڭ ەلىم» ەكسپەديتسياسى جولعا شىقتى
رەسپۋبليكالىق موتوشەرۋ قازاقستان حالقى اسسامبلەياسى جىلىنا ورايلاستىرىلعان. جاستار وسى جوباسى ارقىلى قازاق ەلىن وتانىم دەپ بىلەتىن ءتۇرلى ۇلتتار مەن كونفەسسيالار اراسىنداعى دوستىق قارىم-قاتىناستى دامىتۋدى كوزدەيدى. موتوجارىسقا قاتىسۋشىلار ەلىمىزدىڭ 20 دان استام قالاسى مەن شەتەلدىك تۋريستەردىڭ قىزىعۋشىلىعىن ارتتىراتىن تابيعاتى كورىكتى، تاريحي-مادەني ەسكەرتكىشتەر ساقتالعان وڭىرلەردىڭ بارلىعىن ارالاپ وتەدى.
18 كۇنگە سوزىلاتىن ساياحات بارىسىندا بايكەرلەر 9 مىڭ شاقىرىمعا جۋىق جولدى باعىندىرماق نيەتتە. وسى ماقساتتا بۇگىن اتىراۋلىق جانە اقتاۋلىق موتوشاباندوزداردان قۇرالعان 5 ادام ۇزاق ساپارىن باستاپ كەتتى. ال موتوجارىستىڭ وزگە مۇشەلەرى جول-جونەكەي باسقا وبلىستاردان قوسىلىپ وتىرادى.
«بۇل جوبانى بىلتىردان باستاپ قولعا الىپ كەلەمىز. پاتريوتتىق ماڭىزى جوعارى شارانىڭ بيىلعى جاعرافيالىق اۋقىمى اناعۇرلىم كەڭىدى. ءبىز ەلىمىزدىڭ وتانسۇيگىش جانە سپورتتى جانى سۇيەتىن بەلسەندى جاستارىنىڭ قارىم-قاتىناسىن بايىتۋدى كوزدەيمىز. ال اقپاراتتىق-ناسيحاتتىق پايداسى كەڭ-بايتاق وتانىمىزداعى ىشكى جانە سىرتقى تۋريزمنىڭ دامۋىنا سەرپىن بەرەدى. موتوجارىستىڭ ناتيجەسى ەلوردامىز استانا قالاسىندا قورىتىندىلاناتىن بولادى»، - دەدى «مەنىڭ ەلىم» ەكسپەديتسياسىنىڭ جەتەكشىسى ولەگ شمال.
