ت م د- عا مۇشە ەلدەر ۇكىمەت باسشىلارى كەڭەسىندە ءبىرقاتار قۇجاتتارعا قول قويىلدى

القالى جيىنعا ق ر پرەمەر-ءمينيسترى ك. ءماسىموۆ، ارمەنيا پرەمەر-ءمينيسترى و. ابرااميان، بەلارۋس پرەمەر-ءمينيسترى ا. كوبياكوۆ، قىرعىزستان پرەمەر-ءمينيسترى ت. سارييەۆ، مولداۆيا پرەمەر-ءمينيسترى ك. گابۋريچ، رەسەي ۇكىمەتىنىڭ ءتوراعاسى د. مەدۆەديەۆ، تاجىكستان پرەمەر-ءمينيسترى ك. راسۋلزودا قاتىسۋدا.
سونىمەن قاتار بۇل جيىنعا قاتىسۋشىلار قاتارىندا ازەربايجان ۇكىمەت باسشىسىنىڭ ءبىرىنشى ورىنباسارى يا. ەيۋبوۆ، تۇركىمەنستان مينيسترلەر كابينەتى ءتوراعاسىنىڭ ورىنباسارى س. ساتلىكوۆ، وزبەكستان پرەمەر-ءمينيسترىنىڭ ورىنباسارى ا. يكراموۆ، ۋكراينانىڭ قازاقستانداعى ىستەرىنىڭ ۋاقىتشا سەنىمدى وكىلى يۋ. لازەبنيك، ت م د اتقارۋشى كوميتەتىنىڭ ءتوراعاسى س. لەبەديەۆ تە بار.
شاعىن قۇرامداعى كەلىسسوزدەردىڭ ناتيجەسىندە ءبىرقاتار قۇجاتتارعا قول قويىلدى. اتاپ ايتقاندا، وتىرىسقا قاتىسۋشىلار قارجى ەكونوميكا سالاسىنداعى وزەكتى ماسەلەلەردى شەشۋ جونىندەگى ت م د مەملەكەتتەرىنىڭ بىرلەسكەن ءىس قيمىل جوسپارىن قابىلداپ، حالىقارالىق بايلانىس تاسىمالىن جۇزەگە اسىرۋ بارىسىنداعى دوستاستىق مەملەكەتتەرى اۋماعىندا كولىك قاۋىپسىزدىگى ستراتەگياسىن بەكىتتى. جالپى قول قويىلعان قۇجاتتار سانى جيىرماعا جۋىق.
وتىرىس ناتيجەسىندە ت م د ۇكىمەت باسشىلارى كەڭەسىنىڭ كەلەسى وتىرىسىن اعىمداعى جىلدىڭ قازان ايىندا تاجىكستان استاناسى دۋشانبەدە وتكىزۋ تۋرالى شەشىم قابىلداندى.
قازىرگى ۋاقىتتا ت م د- عا مۇشە مەملەكەتتەر دەلەگاتسيالارى باسشىلارى كەڭەسىنىڭ كەڭەيتىلگەن قۇرامداعى وتىرىسى باستالدى.
اۆتور: مارلان جيەمباي