قازاقستاندا وندىرىستىك جاراقاتتار تومەندەپ كەلەدى - ۆيتسە- مينيستر د. ارعاندىقوۆ

استانا. قازاقپارات - سوڭعى جىلدارى وندىرىستىك جاراقاتتاردىڭ تومەندەۋىنىڭ وڭتايلى قارقىنى بايقالۋدا.

بۇل تۋرالى بۇگىن ق ر پارلامەنتى ءماجىلىسى الەۋمەتتىك-مادەني دامۋ كوميتەتى مەن «نۇر وتان» پارتياسى فراكتسياسىنىڭ جانىنداعى وڭىرلىك ساياسات جانە ماسليحاتتارمەن جۇمىس جونىندەگى كەڭەسىنىڭ كەڭەيتىلگەن بىرىككەن وتىرىسىندا ق ر دەنساۋلىق ساقتاۋ ۆيتسە-ءمينيسترى داۋلەت ارعاندىقوۆ ءمالىم ەتتى.

«سوڭعى جىلدارى وندىرىستىك جاراقاتتارىنىڭ تومەندەۋىنىڭ وڭتايلى قارقىنى بايقالۋدا. ماسەلەن، 2010-جىلى وندىرىستە 2179 ادام زارداپ شەكسە، ال 2014-جىلدىڭ قورىتىندىسى بويىنشا زارداپ شەككەندەر سانى 8 پايىزعا تومەندەپ، 2006 ادامدى قۇرادى. ادام ولىمىمەن اياقتالعان زارداپ شەگۋشىلەردىڭ قاتارى 2010-جىلدان باستاپ 2014-جىلى ارالىعىندا 8,1 پايىزعا تومەندەدى (365 تەن 334 كە دەيىن)»، - دەدى ءمينيستردىڭ ورىنباسارى جۇمىس بەرۋشىلەر تاراپىنان ق ر- دىڭ ەڭبەك قاۋىپسىزدىگى مەن ەڭبەكتى قورعاۋ جونىندەگى زاڭناماسىنىڭ تالاپتارىن ساقتاۋ تاقىرىبىنا ارنالعان وتىرىستا.

ونىڭ سوزىنە قاراعاندا، ەڭبەك قاۋىپسىزدىگى مەن قورعاۋ سالاسىندا مەملەكەتتىك ورگاندار مەن جۇمىس بەرۋشىلەردىڭ كەشەندى شارالارىنىڭ ناتيجەسىندە وڭتايلى كورسەتكىشتەرگە قولجەتكىزىلدى.

اۆتور: رۋسلان عابباسوۆ