ق ر پرەمەر-ءمينيسترى بۋرابايدا الداعى ت م د ۇ ب ك مەن ەۋرازيالىق ۇ ا ك وتىرىستارى اۋقىمىندا ءبىرقاتار ەكىجاقتى كەزدەسۋلەر وتكىزدى
«بەلارۋس پرەمەر-ءمينيسترى اندرەي كوبياكوۆپەن اڭگىمەدە ەكىجاقتى ساۋدا-ەكونوميكالىق ىنتىماقتاستى دامىتۋدىڭ وزەكتى ماسەلەلەرى، سونداي-اق ىقپالداستىق بىرلەستىكتەرى اۋقىمىنداعى ءوزارا ءىس-قيمىلدىڭ قىرلارى تالقىلاندى»، - دەلىنگەن ق ر پرەمەر-ءمينيسترىنىڭ سايتىندا بەيسەنبى كۇنى ورنالاستىرىلعان حابارلامادا.
رەسەي ۇكىمەتىنىڭ ءتوراعاسى دميتري مەدۆەديەۆپەن كەلىسسوزدەردە ساۋدا-ەكونوميكالىق ارىپتەستىكتى دامىتۋ مەن تەرەڭدەتۋدىڭ كەڭ اۋقىمدى ماسەلەلەرى قارالدى، سونىڭ ىشىندە ەكونوميكانىڭ باسىمدىقتى سالالارىنداعى ناقتى جوبالاردى جۇزەگە اسىرۋ بارىسى تالقىلاندى. سونداي-اق ت م د جانە ە ا ە و اۋقىمىنداعى ىقپالداستىق ۇدەرىستەرىنىڭ اعىمداعى جاي-كۇيى جونىندە پىكىر الىسىلدى.
مولدوۆا پرەمەر-ءمينيسترى كيريلل گابۋريچپەن كەزدەسۋدە ەكونوميكانىڭ ءارتۇرلى سالالارىنداعى قازاقستان-مولدوۆا قاتىناستارىن جانداندىرۋ كەلەشەگى تالقىلاندى. تاراپتار ىسكەرلىك ارىپتەستىكتى تەرەڭدەتۋ ءۇشىن ەلەۋلى الەۋەت بار ەكەنىن اتاپ ءوتتى.
وسى تاقىرىپ قىرعىزستان ۇكىمەتىنىڭ باسشىسى تەمىر ساريەۆپەن كەلىسسوزدەر بارىسىندا دا جالعاستىرىلدى. اڭگىمەلەسۋشىلەر ەكونوميكانىڭ باسىمدىقتى سالالارىنداعى ساۋدا-ەكونوميكالىق بايلانىستاردى كەڭەيتۋ جايىن تالقىلادى، قىرعىزستاننىڭ ە ا ە و- عا كىرۋىنە بايلانىستى ولاردىڭ كەلەشەگىن اتاپ ءوتتى.
كارىم ءماسىموۆ سونداي-اق ت م د اتقارۋشى حاتشىسى سەرگەي لەبەديەۆپەن كەزدەسۋ وتكىزدى، ونىڭ بارىسىندا دوستاستىق قىزمەتىنىڭ وزەكتى ماسەلەلەرى جونىندە پىكىر الىسىلدى.
