زارينا دياس «رولان گارروس» جۇپتىق سىنىنىڭ ەكىنشى اينالىمىنا ءوتتى

استانا. قازاقپارات - قازاقستاننىڭ ءبىرىنشى راكەتكاسى زارينا دياس «رولان گارروستىڭ» جۇپتىق سىنىنىڭ ەكىنشى اينالىمىنا ءوتتى، دەپ حابارلادى Vesti.kz.

قىتايلىق سيۋي يفانمەن جۇپ بولىپ ويناعان دياس نادەجدا كيچەنوك (ۋكراينا) - يوانا رالۋكا ولارۋ (رۋمىنيا) جۇبىن 5:7, 7:6(7:5) جانە 6:4 ەسەبىمەن جەڭدى.

كەلەسى اينالىمدا يفان مەن دياس اۆستراليالىق اپالى- ءسىڭلىلى اناستاسيا جانە ارينا روديونوۆالارمەن كەزدەسەدى.

ەسكە سالا كەتەيىك، وسىعان دەيىن دياس «رولان گارروستاعى» جەكەلەي سىندا ەكىنشى اينالىمعا جولداما العان بولاتىن.

ەرتەڭ، 28- مامىردا ول بەلگيا وكىلى اليسون ۆان ۋيتۆانكپەن باسەكەگە تۇسەدى.