اقوردادا قازاقستان قارۋلى كۇشتەردى ودان ءارى جاڭعىرتۋ ماسەلەلەرى تالقىلاندى

استانا. قازاقپارات - اقوردادا ق ر پرەزيدەنتىنىڭ قاتىسۋىمەن قارۋلى كۇشتەردى ودان ءارى جاڭعىرتۋ ماسەلەلەرى جونىندە كەڭەس وتكىزىلدى.

كەڭەسكە پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ن. ەرمەكبايەۆ، قورعانىس ءمينيسترى ي. تاسماعامبەتوۆ، قورعانىس ءمينيسترىنىڭ ءبىرىنشى ورىنباسارى - قارۋلى كۇشتەر باس شتابىنىڭ باستىعى س. جاسۇزاقوۆ قاتىستى، - دەپ حابارلايدى اقوردانىڭ باسپا ءسوز قىزمەتى.

نۇرسۇلتان نازاربايەۆقا قازاقستان ارمياسىنىڭ جاۋىنگەرلىك دايىندىعىن جەتىلدىرۋ باعىتىندا جۇرگىزىلىپ جاتقان جۇمىستار مەن ونىڭ جاۋىنگەرلىك الەۋەتىن نىعايتۋ شارالارى تۋرالى باياندالدى.

كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.