قازاقستان مەن حورۆاتيا اراسىندا دوستىق قاتىناستار ورناعان - ەلباسى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ەكى ەلدىڭ ساۋدا- ەكونوميكا، ينۆەستيتسيا، وتىن- ەنەرگەتيكا سالالارىنداعى ءوزارا ءىس- قيمىلىن جانداندىرۋ ماسەلەلەرى تالقىلاندى. سونداي- اق حالىقارالىق كۇن تارتىبىندەگى مەيلىنشە وزەكتى جايتتار قاراستىرىلدى.
قازاقستان پرەزيدەنتى ەلىمىز بەن حورۆاتيا اراسىندا دوستىق قاتىناستار ورناعانىن اتاپ ءوتتى.
«مەن ءتيىمدى ەكىجاقتى ەكونوميكالىق بايلانىستار ورناتۋ ءۇشىن حورۆاتياعا بىرنەشە رەت باردىم، ويتكەنى ءبىزدىڭ ەلدەرىمىزدىڭ اراسىندا بۇعان ەشقانداي كەدەرگى جوق. ءبىزدىڭ ەلمەن جۇمىس ىستەگىسى كەلەتىن حورۆات كومپانيالارىمەن ءوزارا ىقپالداستىق جونىندە مەنىڭ تاراپىمنان ءتيىستى تاپسىرمالار بەرىلگەن»، - دەدى مەملەكەت باسشىسى.
ز. ميلانوۆيچ قازاقستان- حورۆاتيا ىنتىماقتاستىعىنىڭ قارقىنى ارتىپ كەلە جاتقانىن، بۇل ءوزارا قارىم- قاتىناستىڭ نەگىزگى سالالارىنا وڭ ىقپال ەتىپ وتىرعانىن اتاپ ءوتتى.
