پرەزيدەنت نازاربايەۆ ۋنيۆەرسيتەتىنىڭ العاشقى تۇلەكتەرىمەن كەزدەسەدى
بۇل تۋرالى بۇگىن ق ر پارلامەنتى ماجىلىسىندە ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.
«ۋنيۆەرسيتەت الدىندا قويىلعان ماقساتتار تولىعىمەن ورىندالدى. بيىلعى جىل ءبىز ءۇشىن ەرەكشە. سىزدەر بىلەسىزدەر، 15- ماۋسىمدا مەملەكەت باسشىسى استانادا نازاربايەۆ ۋنيۆەرسيتەتىنىڭ العاشقى تۇلەكتەرىنە ارنالعان سالتاناتتى جيىنعا قاتىسادى. وسىلايشا، ۋنيۆەرسيتەت ءوزىنىڭ العاشقى جەمىستەرىن پاش ەتەدى»، - دەدى ول.
سونىمەن قاتار مينيستر نازاربايەۆ ۋنيۆەرسيتەتىنىڭ بيۋدجەتى قالاي قۇرىلاتىنىن ايتىپ كەتتى.
«باعدارلاما اكىمشىسى ق ر ب ع م بولىپ تابىلادى. بيۋدجەت قالىپتاسادى، بەكىتىلەدى جانە بيۋدجەت بويىنشا ەسەپ ۋنيۆەرسيتەتتىڭ قامقورشىلىق كەڭەسىندە قارالادى. بۇل ج و و- لاردىڭ اۆتونومياسى بولىپ تابىلادى. ول ەرەكشە ۋنيۆەرسيتەت بولعاندىقتان، جوعارى قامقورشىلىق كەڭەستى مەملەكەت باسشىسى باسقارادى. ءبىراق ۋنيۆەرسيتەت قىزمەتى تۋرالى ەسەپتى جانە جىلدىق قارجىلىق ەسەپتى ق ر پرەمەر- ءمينيسترى باسقاراتىن قامقورشىلىق كەڭەسى قارايدى»، - دەپ اتاپ ءوتتى مينيستر.
اۆتور: جاسۇلان جولدىبايەۆ
