10:12, 27 - مامىر 2015 | GMT +5
ءۇندىستاندا اپتاپ ىستىقتان قايتىس بولعاندار سانى مىڭنان اسىپ كەتتى
استانا. قازاقپارات - ءۇندىستاندا كۇننىڭ قاتتى ىسۋىنان قايتىس بولعاندار سانى كۇن ساناپ ءوسىپ جاتىر. بۇگىنگە دەيىن اپتاپ ىستىقتان مىڭنان استام ادام كوز جۇمعان.

ال، اۋا تەمپەراتۋراسى ەلدىڭ كەي ايماقتارىندا 50 سەلسي گرادۋسقا جەتتى.
ەڭ قاتتى زارداپ شەككەندەر ەلدىڭ وڭتۇستىگىندەگى تەلانگانا جانە اندحرا- پرادەش شتاتتارىندا. مۇنداي قايتىس بولعاندار سانى وتكەن اپتادان بەرى 1118 ادامدى قۇراپ وتىر. ال، ءۇندىستاننىڭ باتىسىنداعى بەنگاليا مەن وريسسا شتاتتارىندا 24 ادام كوز جۇمدى.
سينوپتيكتەردىڭ بولجامىنشا، الداعى كۇندەرى ەلدەگى اۋا رايى قايتا قالپىنا كەلىپ، تەمپەراتۋرا تومەندەيدى. ال، بيلىك وكىلدەرى تۇرعىنداردان دالاعا شىقپاي، كۇندىز ۇيدە جان ساقتاۋ كەرەكتىگىن ەسكەرتىپ وتىر.
baq.kz