ترانسپارەنتتى ەسەپ بەرەتىن مەملەكەتتى قۇرۋ سىبايلاس جەمقورلىقتى ازايتادى - ن. نازاربايەۆ
«مەنىڭ سايلاۋالدى باعدارلامامدا 5 ينستيتۋتسيونالدىق رەفورما بولدى. قايتالاپ ايتامىن، ءبىز ءارى قاراي ءوسۋ ءۇشىن جاڭا باعىت قاجەت بولاتىن بەلگىلى ءبىر دامۋ دەڭگەيىنە جەتتىك.
ادامداردىڭ تابىسى ءبىر ادامعا شاققاندا جىلىنا 13-14 مىڭ دوللاردى قۇرايتىن دەڭگەيگە جەتكەندە توقتالىپ قالادى. وسىدان قالاي وتەمىز، ياعني ءبىزدىڭ بارلىق رەسۋرستارىمىز: ساياساتىمىز، زاڭدارىمىز - تەجەلىپ قالدى، سوندىقتان بىزگە ءارى قاراي ىلگەرىلەۋ قاجەت»، - دەدى ن. نازاربايەۆ.
مەملەكەت باسشىسى بەس ينستيتۋتسيونالدىق رەفورمانى جۇزەگە اسىرۋ بويىنشا 100 ناقتى قادامنىڭ - ۇلت جوسپارىنىڭ ۇسىنىلعانىن اتاپ ءوتتى.
«بۇل 100 قادام اتالعان شارالاردى جۇزەگە اسىرۋعا باعىتتالعان. ونىڭ ءار ءبولىمى بويىنشا كوميسسيا قۇرىلعان. ەگەر حالىققا قىزمەت ەتەتىن ادال مەملەكەتتىك قىزمەت بولاتىن بولسا، ەكونوميكانىڭ دا جاعدايى جاقسارادى. وندا مەملەكەت بولماۋى ءتيىس. بيزنەسكە ەركىندىك بەرۋ كەرەك. ەگەر دۇرىس جۇمىس جاسايتىن سوت بولسا، بارلىق ماسەلەلەر مەن داۋ- دامايلار بۇرىنعىداي اۋداندىق، وبلىستىق كوميتەتتەردە ەمەس، سوتتاردا شەشىلەدى، سوندا ەكونوميكا داميدى»، - دەدى ن. نازاربايەۆ.
مەملەكەت باسشىسى سونداي- اق ءتورتىنشى ءبولىمنىڭ - بىرتەكتى بولاشاق ۇلتىنىڭ ماڭىزدىلىعىن اتاپ ءوتتى.
«ءبىز - كوپۇلتتى مەملەكەتپىز، تاريحي سولاي قالىپتاستى، مۇنى ءبىز كەمشىلىگىمىزگە ەمەس، جەتىستىگىمىزگە اينالدىرۋعا ءتيىسپىز. بارلىق ادامدار قازاقستان ازاماتتارى رەتىندە تانىلۋى ءتيىس. ەگەر اركىم مەملەكەتتىك قىزمەتكە ۇلتىنا، كوزىنىڭ تۇسىنە ت. س. س. قاراماي، ەتكەن ەڭبەگىنە قاراي الىناتىن بولسا، سوت جۇيەسى دە سولاي جۇمىس جاسايدى، بيزنەس تە ەركىن بولادى، بۇل سايكەستىكتى تۋدىرادى»، - دەدى ق ر پرەزيدەنتى.
ن. نازاربايەۆ ترانسپارەنتتى ەسەپ بەرەتىن مەملەكەتتى قۇرۋ سىبايلاس جەمقورلىقتى ازايتاتىنىن ايتتى.
«بەسىنشى باعىت ەلدەگى بارلىق بيلىك وكىلەتتىلىكتەرىن پرەزيدەنتتەن - ۇكىمەتكە، پارلامەنتكە، ۇكىمەتتەن - جەرگىلىكتى ورگاندارعا، وبلىس باسشىلارىنان - جەرگىلىكتى ءوزىن- ءوزى باسقارۋعا ءبولىستىرۋدى تالاپ ەتەدى»، - دەپ اتاپ ءوتتى مەملەكەت باسشىسى.
قازاقستان پرەزيدەنتى ۇسىنىلعان رەفورمالار حالىق تاراپىنان كەڭىنەن قولداۋ تاپقانىن اتاپ ءوتتى.
«بۇل وتە اۋقىمدى جۇمىس. مەن ونى سايلاۋ الدىندا سايلاۋالدى تۇعىرنامام رەتىندە ارنايى جاريا ەتتىم. مەن وسى جاسىما جەتكەندە، وسىنشا جىل پرەزيدەنت بولعانىمنان كەيىن وزىمە جۇكتەپ وتىرعان وسى رەفورمالاردى جۇزەگە اسىرۋدا حالىق مەنى قولداسا، دەمەك، مەنىڭ اسا بايىپتى ءىستى قولعا العانىم. سايلاۋ ناتيجەلەرى مۇنداي قولداۋدىڭ بار ەكەنىن كورسەتتى»، - دەپ تۇيىندەدى ن. نازاربايەۆ.
