ءا. يسەكەشيەۆ: شەتەلدەن كەلەتىن بالالار تاۋارىنىڭ ساپاسى مەن قاۋىپسىزدىگىنە باقىلاۋدى كۇشەيتۋ قاجەت
بۇل تۋرالى بۇگىن ق ر پارلامەنتى ماجىلىسىندەگى ۇكىمەت ساعاتىندا ەلىمىزدىڭ ينۆەستيتسيالار جانە دامۋ ءمينيسترى اسەت يسەكەشيەۆ ءمالىم ەتتى.
«بالالار تاۋارى يندۋسترياسىنىڭ قازاقستاندىق قاۋىمداستىعى» وزىندىك ءوندىرىسىنىڭ بولماۋى سالدارىنان قازاقستاندىق نارىق ءىس جۇزىندە يمپورت تاۋارلارعا تولىپ تۇرعانىن كورسەتتى»، - دەدى ول.
ءمينيستردىڭ ايۋىنشا، بالالار تاۋارى ۇرپاققا ءتالىم-تاربيە بەرۋدىڭ، ولاردىڭ فيزيكالىق ءارى پسيحولوگيالىق تۇرعىدا سالاۋاتى ءومىر ءسۇرۋىنىڭ قۋاتتى قۇرالى بولعاندىقتان كوپتەگەن ەلدەرى ونى ستراتەگيالىق ساناتقا جاتقىزعان. ماسەلەن، رەسەي 2013-جىلى «2020-جىلعا دەيىنگى كەزەڭگە ارنالعان بالالار تاۋارى يندۋسترياسىن دامىتۋ ستراتەگياسىن» بەكىتكەن.
«سوڭعى جىلدارى بالالار اراسىندا ءتۇرلى اۋرۋلاردىڭ ءوسىمى بايقالۋدا. دەرت كوزى كورشى ەلدەردەن تاسىمالداناتىن بالالارعا ارنالعان ءتۇرى كونترافاكتىلىك ساپاسىز ونىمدەر بولۋى مۇمكىن. سوندىقتان بالالار تاۋارلارىنىڭ ساپاسى مەن قاۋىپسىزدىگىنە باقىلاۋدى كۇشەيتۋ قاجەت»، - دەدى ءا. يسەكەشيەۆ.
اۆتور: مارلان جيەمباي
