بيزنەس جاساۋعا قولايلى ەلدەر
ازيا ەلدەرىنىڭ اراسىندا جۇرگىزىلگەن ارنايى زەرتتەۋ وسىنداي ناتيجە بەردى. سونىمەن قاتار بيزنەس جاساۋعا بارىنشا جاعداي جاسالعان شاھارلار ءتىزىمىن گونكونگ، ودان كەيىن توكيو تولىقتىردى.
ال دۇنيەجۇزى بويىنشى بيزنەستى وركەندەتۋدە نيۋ-يورك پەن لوندون ەشكىمگە دەس بەرمەسە، ارالداعى مەملەكەت 3-ورىندى مىسە تۇتقان. اتالعان زەرتتەۋ كەزىندە 200 دەن استام شاھاردىڭ بۇل كاسىپتى جۇرگىزۋگە قولايلىلىعى، ياعني ءبىلىم ساپاسى جۇمىس جۇرگىزۋ جىلدامدىعى مەن سوڭعى ۇلگىدەگى وزىق تەحنولوگيانى مەڭگەرۋ قابىلەتتەرى ەسكەرىلگەن.
وعان قوسا ەلدىڭ ەكونوميكالىق الەۋەتى مەن حالىقتىڭ ءومىر ءسۇرۋ دەڭگەيى، مەملەكەتتىڭ بەدەلى دە نازارعا الىنعان. سينگاپۋرلىق بيزنەس سالاسى ماماندارىنىڭ ايتۋىنشا، ارالداعى مەملەكەتتىڭ دامىعان ينفراقۇرىلىمى مەن وڭتايلى ەكونوميكالىق جاعدايى، سونداي-اق بىلىكتى ماماندار ستراتەگيالىق قولايلى ورنالاسۋى جانە سالىق ماسەلەسىن ۇتىمدى شەشۋى - بۇل سالانىڭ دامۋىنا جول اشقان.
حيۋ مەيسون، سينگاپۋرلىك بيزنەس-اكسەلەراتوردىڭ نەگىزىن قالاۋشى:
- سينگاپۋر بيزنەس جاساۋعا وتە قولايلى ەلدەردىڭ بىرىنە جاتادى. مەن ءوزىم كوپتەگەن ادامداردىڭ وسىندا مۇمكىندىكتەردى بارىنشا پايدالانىپ، بيزنەستەرىن ءبىرجولعا قويعانىن كوردىم. ەڭ قىزىعى، الەمنىڭ قاي ەلىنەن كەلمەسىن، بارىنە بىردەي ەسىك اشىق. تالاپ ءبىر. اسىرەسە ستارتاپتى باستاۋعا ىڭعايلى دەر ەدىم. ماسەلەن كەيبىر ءۇندىستاندىق كومپانيالاردىڭ سينگاپۋردە تۇتىنۋشىلارىن ارتتىرىپ، اتالعان كاسىپتى دوڭگەلەتىپ اكەتكەندەرىن دە بىلەمىن. ودان بولەك، ەۋروپادان كەلىپ، كوپۇلتتى مەملەكەتتە بيزنەسىن اياقتان تىك تۇرعىزعان وسى سالانىڭ ماماندارى دا جەتەرلىك.
www.24.kz
