قابيبوللا جاقىپوۆ ق ح ر بۇكىل قىتايلىق حالىقتىق- ساياسي كونسۋلتاتيۆتىك كەڭەسى ءتوراعاسىنىڭ ورىنباسارى ۆان چجەنۆەيمەن كەزدەستى
بۇل تۋرالى ق ر پارلامەنتى ءماجىلىسىنىڭ باسپا ءسوز قىزمەتى حابارلادى.
ق. جاقىپوۆ پەن ۆان چجەنۆەي قوس مەملەكەت باسشىلارىنىڭ دوستىق قارىم- قاتىناسى ارقاسىندا ەكىجاقتى ءوزارا ءىس- قيمىلدىڭ قارقىندى دامىپ كەلە جاتقانىن ءسوز ەتتى.
كەزدەسۋ قاتىسۋشىلارىنىڭ پىكىرىنشە، قازاقستان پرەزيدەنتىنىڭ «نۇرلى جول» باعدارلاماسى مەن ق ح ر ءتوراعاسى «ءبىر بەلدەۋ- ءبىر جول» باستاماسى ۇزاقمەرزىمدى ءوزارا ىقپالداستىقتىڭ جارقىن بولاشاعىنىڭ ورتاق كورىنىسى.
ۆان چجەنۆەي سونداي- اق، جىبەك جولىنىڭ ەكونوميكالىق بەلدەۋىن قۇرۋ تۋرالى ق ح ر ءتوراعاسى باستاماسىنا ءبىزدىڭ ەلىمىزدىڭ كورسەتكەن قولداۋىن اتاپ ءوتتى.
قابيبوللا جاقىپوۆ مارتەبەلى مەيمانعا قازاقستان پرەزيدەنتىنىڭ 5 ينستيتۋتسيونالدىق رەفورماسى مەن ونى ورىنداۋدىڭ «100 ناقتى قادام» ۇلتتىق جوسپارى تۋرالى جانە وسى ماڭىزدى باستامالاردى زاڭنامالىق تۇرعىدان قولداۋ تۋرالى بايانداپ بەردى.
جۇزدەسۋ كەزىندە ەكى ەلدى ترانس شەكارالىق سۋ رەسۋرستارى سالاسىنداعى ىنتىماقتاستىق ماسەلەلەرى دە نازاردان تىس قالمادى. قابيبوللا جاقىپوۆ ازىرلەنىپ جاتقان سۋ ءبولۋ تۋرالى ۇكىمەت ارالىق كەلىسىمنىڭ ەكى ەلدىڭ مۇددەسىنە قىزمەت ەتەتىنىنە سەنىم ءبىلدىردى.
ءماجىلىس ءتوراعاسىنىڭ سوزىنشە، قازاقستاننىڭ ق ح ا مەن ۇلتتار ءىسى جونىندەگى ق ح ر مەملەكەتتىك كوميتەتى اراسىندا بايلانىس ورناتۋعا دەگەن قىزىعۋشىلىعىن دا اتاپ ءوتتى.
ۆان چجەنۆەي قىتاي ەلىنىڭ ىنتىماقتاستىقتى ودان ءارى كۇشەيتۋگە دايىن ەكەنىن جەتكىزدى.
