ن. نازاربايەۆ: جىبەك جولىنىڭ ەكونوميكالىق بەلدەۋىن قۇرۋ ۇلتتىق مۇددەلەردى ەسكەرەتىن قاعيدالاردى قالىپتاستىرادى - فوتو
«ينفراقۇرىلىم: ەكونوميكانىڭ ورنىقتى ءوسىمىنىڭ درايۆەرى» تاقىرىبىنا ارنالعان فورۋم جۇمىسىنا الەمنىڭ 90 ەلىنەن 3000 عا جۋىق ساياسي، ساراپشىلىق جانە ىسكەرلىك توپ وكىلدەرى قاتىستى.
قازاقستان پرەزيدەنتى فورۋمدا سويلەگەن سوزىندە بۇگىنگى جاھاندىق كەڭىستىكتە بولاشاقتاعى وركەندەۋگە قاۋىپ توندىرەتىن سىن- قاتەرلەر تۋىنداپ كەلە جاتقانىنا نازار اۋداردى.
- ءبىز الەمدە بۇرىنعى تەجەۋ جانە اراسالماق ساقتاۋ جۇيەسىنىڭ كۇيرەۋىنە، ۇلى دەرجاۆالار كوشباسشىلارى اراسىنداعى سەنىمنىڭ جوعالۋى مەن حالىقارالىق قۇقىقتىڭ قوجىراۋىنا كۋا بولىپ وتىرمىز. حالىقارالىق ينستيتۋتتار بەيبىتشىلىك پەن تۇراقتىلىققا كەپىلدىك بەرە المايدى. سونىمەن قاتار كليماتتىڭ وزگەرىسى جىلدام ءجۇرىپ جاتىر. بۇل سالدارى اۋىر تابيعات اپاتتارىنان كورىنىس تابۋدا. ازىق- تۇلىك تاپشىلىعى دا جالعاسىپ وتىر. حالىق سانىنىڭ، تابىس پەن ۋربانيزاتسيانىڭ ءوسۋى سەكىلدى ءۇشجاقتى ۇدەرىستىڭ قىسىمىمەن تاياۋ 30 جىلدا ازىق- تۇلىك ءوندىرىسىن ەكى ەسەلەۋدى قاجەت ەتەدى. مۇنى جەردىڭ رەسۋرسى تاۋسىلىپ جاتقان كەزدە ىستەۋگە تۋرا كەلەدى، - دەدى نۇرسۇلتان نازاربايەۆ.
مەملەكەت باسشىسى كولىك سالاسىنداعى بىرلەسكەن باستامالار ىنتىماقتاستىق ءۇشىن جاقسى ىرگەتاس بولاتىنىن ايتتى.
- ول ەلدەردىڭ، سونداي- اق وڭىرلىك بىرلەستىكتەردىڭ ءوزارا تىعىز ءىس- قيمىلى مەن ىقپالداستىق فورمالارىنا باستاۋ بولۋى ءتيىس. مەن بىرىككەن ەۋرازيالىق ەكونوميكالىق كەڭىستىك قۇرۋدى ۇسىنامىن. بىزگە بارلىق قاتىسۋشىلاردىڭ ۇلتتىق مۇددەلەرىن ەسكەرەتىن جانە كەدەرگىلەردى جويۋعا، ءوزارا ءتيىمدى ىقپالداستىقتى ارتتىرۋعا باعىتتالاتىن ءبىرىڭعاي قاعيدالار قابىلداۋ ماڭىزدى. قاعيدالار ءبىرىنشى كەزەكتە ساۋدا، تاسىمال جانە رەسۋرس قوزعالىسىنا قاتىستى بولۋى ءتيىس. جىبەك جولىنىڭ ەكونوميكالىق بەلدەۋىن قۇرۋ تۇپكى مانىندە وسى قاعيداتتاردى قالىپتاستىرادى، - دەدى قازاقستان پرەزيدەنتى.
نۇرسۇلتان نازاربايەۆ ۇسىنىلىپ وتىرعان بىرىككەن ەۋرازيالىق كەڭىستىك اياسىندا قۇرلىقتىڭ ءارى قاراي دامۋ باعىتتارى مەن ىقپالداستىق دەڭگەيىن ارتتىرۋ جونىندەگى ۇسىنىمدار ازىرلەنەتىن، تۇراقتى جۇمىس ىستەيتىن الاڭ قۇرۋ قاجەتتىگىن اتاپ ءوتتى. مەملەكەت باسشىسى استانا ەكونوميكالىق فورۋمىنىڭ وسىنداي الاڭ بولا الاتىنىن ايتتى.
فورۋمنىڭ جالپى وتىرىسىنىڭ مودەراتورى BBC باس بيزنەس- ءتىلشىسى ل. يۋە بولدى. سونداي- اق ءىس- شارا بارىسىندا ب ۇ ۇ د ب اكىمشىسى ح. كلارك، ليۋكسەمبۋرگ پرەمەر- ءمينيسترى ك. بەتتەل، JP Morgan Chase International كومپانياسىنىڭ ءتوراعاسى د. فرەنكەل، ەكونوميست ك. روگوفف، Roubini Global Economics پرەزيدەنتى ن. رۋبيني ءسوز سويلەدى. سونىمەن قاتار، فورۋم قاتىسۋشىلارىنا ە ى د ۇ باس حاتشىسى ءسوز ارنادى.
