ەلباسىنىڭ قاتىسۋىمەن استانا ەكونوميكالىق فورۋمى جالعاسۋدا

استانا. قازاقپارات - بۇگىن ەلورداداعى تاۋەلسىزدىك سارايىندا «ينفراقۇرىلىم: ەكونوميكانىڭ تۇراقتى ورلەۋىنىڭ درايۆەرى» تاقىرىبىنداعى استانا ەكونوميكالىق فورۋمى جالعاسۋدا.

 پلەنارلىق وتىرىس ەلباسى نۇرسۇلتان نازاربايەۆتىڭ قاتىسۋىمەن ءوتىپ جاتىر. سونىمەن قاتار فورۋمعا ۇلى ليۋكسەمبۋرگ گەرتسوگتىگىنىڭ پرەمەر- ءمينيسترى كساۆە بەتتەل، ب ۇ ۇ دامۋ باعدارلاماسىنىڭ اكىمشىسى حەلەن كلارك، «JPMorgan Chase International» كورپوراتسياسى ءتوراعاسى دجەيكوب فرەنكەل، حۆق باس ەكونوميسى (2001-2003 -جىلدارى) ، گارۆارد ۋنيۆەرسيتەتىنىڭ پروفەسسورى كەننەت روگوفف قاتىسۋدا.

21 - مامىر كۇنى باستالعان VIII استانا ەكونوميكالىق فورۋمىنا شامامەن 90 ەلدەن دەلەگات كەلدى. ولاردىڭ قاتارىندا 200 گە جۋىق ۆيپ- سپيكەر، ماسەلەن، ەكس- پرەمەر- مينيسترلەر، پارلامەنت مۇشەلەرى، قارجى ينستيتۋتتارىنىڭ وكىلدەرى، نوبەل سىيلىعىنىڭ يەگەرلەرى، حالىقارالىق ۇيىمدار باسشىلارى جانە بەلگىلى عالىمدار بار.

فورۋم اياسىندا 21-22 - مامىردا وتىزعا جۋىق سەسسيا وتەدى. ولاردىڭ بارلىعى ەكونوميكاداعى الەۋەتى زور سالالاردىڭ ءبىرى - ينفراقۇرىلىمدى دامىتۋ تاقىرىبىنا ارنالۋدا. ايتا كەتەيىك، فورۋمدى ۇيىمداستىرۋعا ب ۇ ۇ، ە ق ى ۇ، ب ۇ ۇ د ب، دۇنيەجۇزىلىك بانك سياقتى ىرگەلى ۇيىمدار اتسالىسىپ وتىر.

 

اۆتور: رۋسلان عابباسوۆ