استانادا وليمپيادا كۇنىنە وراي ءبىرقاتار شارالار وتەدى
باعدارلاما اياسىندا وليمپيادا جانە الەم چەمپيوندارىمەن، ەلىمىزدىڭ داڭقتى سپورتشىلارىمەن كەزدەسۋلەر ۇيىمداستىرىلادى، دەپ حابارلايدى astana.kz.
سونىمەن قاتار شارا بارىسىندا 800 جانە 1200 مەتر قاشىقتىقتارعا جۇگىرۋ، «وليمپيادا جارىستارى» اتتى اسفالتقا سۋرەت سالۋ بايقاۋى، مۇمكىندىگى شەكتەۋلى سپورتشىلار اراسىندا سايىستار وتكىزىلەدى.
بۇگىنگى تاڭدا الەم بويىنشا 200 دەن استام ۇلتتىق وليمپيادا كوميتەتتەرى جىل سايىن اتالمىش كۇندى اتاپ وتەدى. شارانىڭ ماقساتى - سالاۋاتتى ءومىر سالتىن ناسيحاتتاۋ.
ەسكە سالا كەتەيىك، 1894-جىلى 23- ماۋسىمدا پەر دە كۋبەرتەن مەن ونىڭ جاقتاستارى قازىرگى زامانعى وليمپيادا قوزعالىسىن قايتا قالپىنا كەلتىرىپ، حالىقارالىق وليمپيادا كوميتەتىن قۇرعان. ءبىرىنشى دۇنيەجۇزىلىك وليمپيادا كۇنى 1948-جىلى 23- ماۋسىمدا اتالىپ ءوتتى. وعان 9 ەلدىڭ ۇلتتىق وليمپيادا كوميتەتتەرى قاتىستى.
