ق ر پرەزيدەنتى استانا ەكونوميكالىق فورۋمىندا ءسوز سويلەيدى
فورۋمعا ءۇش مىڭنان استام دەلەگات جانە 200 شەتەلدىك سپيكەرلەر قاتىسۋدا. ولاردىڭ اراسىندا - امەريكاندىق Forbes جۋرنالىنىڭ باس رەداكتورى ستيۆ فوربس، گارۆارد ۋنيۆەرسيتەتىنىڭ پروفەسسورى كەننەت روگوفف، نوبەل سىيلىعىنىڭ لاۋرەاتتارى فين كينلاند پەن ەريك ماسكين بار.
فورۋم اياسىندا الەمدىك ەكونوميكانىڭ بولاشاعى، مۇناي باعاسىنىڭ تومەندەۋى جاعدايىنداعى تاۋەكەلدەر مەن قاجەتتى ءىس-قيمىلدار جانە ورنىقتى ءوسىم ماسەلەلەرى تالقىلانادى جانە ەلگە جاڭا اۋقىمدى ينۆەستيتسيالار تارتۋعا ارنالعان ينۆەستيتسيالىق فورۋم باستى باسقوسۋلاردىڭ ءبىرى بولماق.
استانا ەكونوميكالىق فورۋمدارىندا جىل سايىن ءىرى كەلىسىم-شارتتار مەن كەلىسىمدەر جاسالادى. بيىل دا ا ە ف 2015 الاڭىندا ۇسىنىستار ازىرلەنىپ، ينۆەستيتسيالار تارتۋ جونىندەگى ءبىرقاتار شارالار اتقارىلماق.
استانا ەكونوميكالىق فورۋمى (ا ە ف) - شتاب- پاتەرى قازاقستاندا، استانادا ورنالاسقان ديالوگ ءۇشىن حالىقارالىق جانە وڭىرلىك تۇعىرناما. ول جىل سايىن وتكىزىلىپ كەلەدى. جالپى العاندا، ا ە ف- كە ءجۇز ەلدەن ون مىڭنان استام دەلەگاتتار، سونىڭ ىشىندە كاسىپورىنداردىڭ اتقارۋشى ديرەكتورلارى، ساياساتكەرلەر، جۋرناليستەر، عالىمدار مەن نوبەل سىيلىعىنىڭ لاۋرەاتتارى قاتىسۋدا. استانا ەكونوميكالىق فورۋمى الەمدەگى ءىرى حالىقارالىق فورۋمداردىڭ ءبىرى.
