قازاقستاندىق قىز نيۋرنبەرگ تۋرنيرىنىڭ جارتىلاي فينالىنا وتە المادى

استانا. قازاقپارات - قازاقستاندىق تەننيسشى يۋليا پۋتينتسيەۆا نيۋرنبەرگ قالاسىندا ءوتىپ جاتقان حالىقارالىق تۋرنيردىڭ شيرەك فينالىندا يتالياندىق، وسى جارىستىڭ التىنشى راكەتكاسى كارين كناپپەن كۇش سىناستى.

Vesti.kz سايتىنان الىنعان مالىمەتكە قاراعاندا، ءبىر ساعات 20 مينۋتتاي ۋاقىتقا سوزىلعان ماتچتا 6:2, 6:4 ەسەبىمەن يۋليادان الدەقايدا تاجىريبەلى ك. كناپپ جەڭىسكە جەتتى. جيىرما جاسار يۋ. پۋتينتسيەۆا دۇنيەجۇزىلىك رەيتينتە 105- ورىندا تۇرسا، 27 جاستاعى يتالياندىق تەننيسشى الەمنىڭ 48- راكەتكاسى ەكەندىگىن ايتا كەتەيىك. بۇل - تەننيسشىلەردىڭ ءوزارا ءبىرىنشى كەزدەسۋى.

ەندى زارينا دياس باستاعان قازاقستاندىق تەننيسشىلەر 24- مامىردا باستالاتىن جىلدىڭ ەڭ باستى دودالارىنىڭ ءبىرى - «رولان گارروس» تۋرنيرىندە باق سىنايتىن بولادى.